今日都係返早，尋晚都係瞓得唔好，今朝個人好攰好攰。。。返到公司已經有客，做到十二點就嗱嗱臨食個快飯，跟住又開工，一直做到收工∼
今晚啲人接我收工，我哋去咗銅鑼灣食飯，食完飯啲人就同我行一陣，其實我個人已經好攰，但有啲人響身邊我就覺得好滿足！但今晚發生咗一件好唔開心�H事，因為我同啲人響樓下玩玩吓，佢突然發皮氣走咗返屋企，我呆咗企咗響樓下，直到我打俾佢佢又冇聽，跟住望住佢屋企開咗燈，嗰一刻我由唔開心變為嬲，我嬲到拎埋佢袋嘢上咗佢到，諗住掛響佢門口就走，點知佢嗰一刻咁啱佢又行出門口，我嬲到將袋嘢掉返俾佢就走。。。唔知點解今次我會嬲到咁，同佢拍拖咁耐，我真係冇試過嬲到咁，我嬲佢掉低我走咗，我嬲佢最近�H情緒起伏好大，成日都發我皮氣。。。我嗰一刻真係已經有啲頂唔順😭你可唔可以唔好再係咁😭😭
分類: 我們的生活點滴 |
