今日返早，尋晚冇乜點瞓過，朝早個人有啲吽吽哋，加上食埋啲藥就更辛苦，我下晝冇食到啲藥，所以精神就好啲，不過個胸口位仲好痛，應該係之前嘔得勁得滯，過兩日應該就冇事！
今晚本身收7點，但最後個客做到7點幾，我就嗱嗱臨執嘢走，因為我兩日冇見過啲人，我好掛住佢呀！今晚啲人就我食日本嘢，而且仲俾我幫佢揀食乜添。。。好幸福！食完嘢我哋行咗陣HMV，我一路行一路攬住啲人，有佢響隔離我感覺好實在，我好鍾意呢種感覺！不過我哋兩個都太攰，所以行完就搭車返去，唔緊要啦！星期日都可以一齊放假嘛∼
分類: 我們的生活點滴 |
