終於都第七日喇！呢七日真係忙到癲，個人真係好攰，每日放工都散晒！
今日一早要過男賓做一個客，做咗兩個鐘就趕返自己公司接另一個客，連做三個之後先有時間食飯，跟住做埋最後一個客就收工，每個都做兩個鐘，對住啲機，間房又暗，雙眼真係好攰😴😴
收工之後就過灣仔揾啲人，不過啲人心情麻麻，見到佢咁我心情都麻麻。。。。食完嘢行咗陣，因為落大雨我唔想啲人淋濕，就避咗陣雨先走！上到車啲人跌咗嘢落地，我好心問吓佢跌咗乜想幫佢揾，點知佢又發憫陣，嗰刻我真係好無奈，我明佢心情唔好，但其實我都好攰，我好唔舒服又撐住扮無嘢，起碼佢呢兩日都可以抖，但我連抖都冇得抖。。。今晚見到佢咁我更加攰，所以我之後冇出聲，我唔知可以講乜😭😭
分類: 我們的生活點滴 |
