經歷過尋日十二個鐘�H工作，我尋晚不知不覺咁瞓著咗，瞓到今朝9點幾醒咗 whatsapp 咗啲人之後，我就食埋粒感冒藥就再瞓過，一瞓瞓到點幾俾媽咪叫醒，我就起身出去！
晏晝帶咗媽咪去食 pizza ，好耐都冇帶佢食過，佢好開心！其實我明白佢有病都唔想，我應該要抽時間關心佢，同佢食吓嘢同行吓！食完嘢我哋就去買餸。。。
今日煮俾低能仔�H嘢已經特別上網睇過，佢兩個飯盒都多菜小肉，我知道其實真係會食到冇乜味覺，所以我整咗個唔辣�H咖喱俾佢，而叉燒我平時一餐俾一條佢，不過今次就一條分兩餐，但又怕佢唔夠飽，就整多幾粒肉丸俾佢，再加埋滷水豆腐、烚西蘭花同甘荀仔，夜晚仲有車厘子同藍莓應該夠晒清，夠晒營養，對佢皮膚應該會好啲！
夜晚啲人返嚟食飯，不過佢應該皮膚唔舒服，所以有啲憫憫哋。。。佢見到個飯盒同生菓，我知佢有啲唔鍾意！但真係冇辦法。。。食完飯好快就返咗去，其實我好想攬吓佢∼低能仔，你聽日好換咗套衫，著番件短袖衫喇！唔好令啲皮膚越嚟越嚴重，我唔響你面前直接同你講，係我怕你又嫌我煩。。。
分類: 我們的生活點滴 |
