唉。。。三日假期又結束喇！聽日又要開始地獄生涯∼我好想同啲人一直放假放落去，我好想每朝起身第一個見到佢，每晚瞓前都見到佢。。。。
今朝同爸爸飲完茶，就去睇醫生，因為隻右耳依然好痛！醫生話係中耳炎。。。開咗啲藥同耳水俾我，希望可以快啲好啦！晏晝就同啲人食咗個超好食�H下午茶，然後就去書展喇！今年我冇去揾一期一會嗰個人，我口嗰句係因為上次台灣嗰件事，但其實係我知啲人會呷醋，加上一期一會嗰個人唔係我�H終生伴侶，我更加唔會因為佢而令啲人呷醋嘛！
去到書展其實我最想揾到大大與小妹嗰本書，每一次見到小妹畫�H嘢，我都覺得好舒服，同好有感覺∼啲人知我鍾意就買俾我！小妹出嗰三本書同公仔，都係啲人買嚟氹我開心∼我真係覺得我哋已經係對方心目中�H大大與小妹！
買完大大與小妹，我哋就去睇文具！我最鍾意就睇筆、簿、手工同精品🤣啲人話兒童�H嘢就最啱我！其實我睇中咗一套蛋黃哥�H筆，不過要108，我唔捨得買！我冇話俾啲人知，我知道佢一定會買。。。行到咁上下見到啲人鍾意嗰隻小白熊，又有兔兔與p助，我就買咗俾啲人，雖然隻小白熊有啲貴，但只要佢鍾意就值得啦！
夜晚我哋落咗旺角，原本都好開心！不過啲人買唔到耳機又發皮氣，一係就自己行，一係就拖住我行得好快。。。結果撞到我隻手瘀晒！我嗰一刻冇出聲，有佢繼續發皮氣∼直到佢心情平伏落嚟先俾佢睇，佢即刻同我講對唔住，但我冇嬲過佢，只係想佢知，佢唔係一個人，佢身邊仲有我，仲有一個人陪佢行一世架！
分類: 我們的生活點滴 |
