自從整親隻手之後，心情唔係太好！或者有人會覺得可以放假唔係一件好事咩？但其實唔係架∼因為響屋企好悶，仲要整親嗰隻係右手，好唔方便。。。好多嘢想整都整唔到！加上作為一個美容師雙手真係好重要，只要有任何損傷，都好難幫客做 facial ∼
呢幾日啲人心情都好差，對我除咗黑口黑面之外，仲要好似唔多鍾意我咁，做乜都唔鍾意∼我覺得好唔舒服。。。尋晚又係咁，我起初都笑住慢慢氹，但之後我忍唔住發咗皮氣∼我真係唔知可以做啲乜，我適應唔到。。。我好想知究竟發生咩事？係我哋之間多咗啲嘢？抑或少咗啲嘢？
今晚我同家姐去咗睇黃子華，其實我最想同啲人一齊睇，不過啲人唔肯去😭今晚我冇乜心機睇，除咗佢唔響我隔離之外，我覺得我好似好難揾到佢！究竟發生啲咩事？究竟想點？其實我整親隻手，我心情都好差。。。
分類: 我們的生活點滴 |
