今日返早，一早返到公司要頂前台一個鐘，不停咁落 booking 聽電話，忙到一頭煙，幸好主管十一點返工咋！咁我就可以安心接客。。。
今日臨返工前一直好忙，因為我想俾個 surprise 啲人，我就同佢講星期六要準時接我，我要帶佢去一個地方，點知有人傻到以為我逼婚😥帶佢去婚姻註冊處囉！！！一直都想唔講佢知，到嗰日帶佢去會展先俾佢知架。。。點知最後都要逼住講出嚟！我明知佢鍾意，但佢都叫我賣咗去∼我有少少無奈！當然為咗令佢開心，我梗係彩佢都傻啦，哈哈。。。
驚喜原來一浪接一浪，竟然俾我同事幫我買到劉华演唱會😍其實我想同佢睇唔同演唱會，係因為佢鍾意唱歌、聽歌，只有影相、唱歌同聽歌先令佢開心！加上劉华我真心覺得值得睇，所以我更想同佢睇∼
今晚收工返咗屋企煮飯俾啲人，啲人9點幾就返咗嚟陪我，我哋響屋企二人世界！啲人陪咗我一陣我就返去∼其實我享受同佢好似今晚咁，我唔想我男朋友好出名，又或者係一個萬人迷，因為我只係想做一個小女人，要一個愛我�H人，而唔係一個明星，我陣係想同佢簡簡單單、平平淡淡咁過一世就滿足！好想你會明白我。。。
分類: 我們的生活點滴 |
