尋晚完全冇瞓過，一合埋眼就好多嘢諗，碌嚟碌去碌到鬧鐘都響埋，又要爬起身返工。。。今日其實我集中唔到精神做嘢，幸好冇乜大出錯，兼且客接客咁，我除咗冇時間食嘢同去廁所之外，仲冇時間靜落嚟∼
今晚做完最後一個客之後，我已經攰到散晒，幸好有肥妹幫我起 mask，我先可以勉強630可以收工，收工之後已經見到啲人企咗響到等我！
今日佢真係揾多咗我，無論去邊都影低相 wtsp 我，望住啲相�H時候，我響到諗佢係真心想令我有安全感？定還是我逼佢呢？
今晚我哋去咗美食節，同上年一樣咁多人，同上年一樣我只係諗佢鍾意食乜，亦同上年一樣我買親�H都係俾佢！不過今年有樣嘢唔同咗，佢注意我俾上年多咗∼去完呢個超多人�H美食節，其實我未夠飽，始終今日全日都冇食過嘢，走咗之後啲人想帶我去食嘢，不過我冇乜胃口。。。行咗一陣就返咗去！
有人 send 咗首跌落凡間的天使俾我，呢首歌我之前只係聽過一次，冇乜留意過！不過今晚一路聽一路流眼淚，好想佢所講�H嘢係真！但我知道我需要時間先可以復元∼
分類: 我們的生活點滴 |
