今日係放假�H第一日，好早就醒咗。。。而啲人醒咗就揾我，其實我好想同佢一齊出去，不過佢怕我攰，所以叫我抖多陣先出去，但今日我哋都見咗好耐∼
今日我專登著咗啲平時唔會著�H衫出去，我仲化好妝同搽咗唇膏，我好想個人唔同啲，自己自信心大啲，或者對我係一件好事！同時亦好想知佢鍾唔鍾意呢個我？起初佢見到我好似冇乜反應咁，我的確有少少失望，不過行行吓啲人係咁將我件衫扯高，佢話橫掂都冇，就唔好俾人睇，雖然佢咁講，但嗰一刻我已經覺得開心∼
去完銅鑼灣我哋去咗旺角，陪佢睇佢鍾意�H嘢，佢一樣拖到我好實。。。仲陪我去睇逆流大叔，呢套戲我一直好想睇，但我之前唔講，唔願同佢睇戲，係因為我唔鍾意佢睇戲會掛住玩電話，同埋我好似自己去睇戲咁，不過啲人今次好唔同，佢除咗尋晚已經諗定帶我去邊之外，今晚睇戲佢仲會放低電話攬實我！
呢兩日佢改變咗好多，雖然都係會玩電話，但最起碼佢同我食飯�H時候，係真係放低電話，專心同我食飯，兼且冇俾我覺得我好似自己出街咁∼而且有人又應承會將我嗰張相放上去，呢一切佢都有顧及到我感受，不過我唔知呢種感覺可以維持幾耐！
如果跌落凡間的天使真係佢同我講�H嘢（呢兩日我不停聽呢首歌）我好想下一首會係你的男人。。。好想會等到有呢一日！
分類: 我們的生活點滴 |
