今日都係返晏，返到去又開始好忙，成日只係得兩點先有時間食個飯，之後又係做到收工∼
呢幾日一有時間就睇天氣，我唔係期待打風，而係擔心打風∼因為啲人堅持聽日過澳門，我真係怕會有事。。。所以我一有時間就睇！咁啱個客本來星期六都去澳門睇張敬軒，但最後張敬軒演唱會都取消，我就更唔想啲人去！
今晚收工之後，我去咗買定啲嘢食俾啲人星期日打風食，之後就去接佢。。。點知佢同我講聽日決定咗去，嗰一刻我有啲嬲，我係嬲自己點解要咁緊張佢？同時亦有啲嬲叫佢去嗰個∼加上低能仔講埋上次幫佢影廣告相時，佢話女朋友想佢早啲返去時，嗰個人所講�H嘢後，我覺得更加無奈！上次可能因為佢化緊妝好想影，但今次明知天氣會咁，作為一個朋友又或者普通人都唔會想你有危險，都寧願叫你唔好去。。。其實一張ig相真係咁重要？！
或者因為我愛佢先會咁緊張佢，今次我真係冇讓步，我唔俾佢去。。。佢亦響我面前 wtsp 嗰個人話唔去∼我知佢會覺得我霸道，但我寧願霸道一次，總好過佢之後有咩事我先嚟後悔！當然佢都擔心嗰個人安全，想叫嗰個人都唔好去（其實連低能仔都會擔心嗰個人，點解嗰個人唔識咁樣去關心人呢？）低能仔，對唔住呀！我知我今晚語氣係重咗同好霸道，但我希望你會明白我出發點係點樣？！
分類: 我們的生活點滴 |
