今日返1點，我一早醒咗就去醫院探婆婆，婆婆情況差咗，肚痛到喊咗出嚟，佢仲未知自己咩事，但因為我知道係咩令到佢咁，我望住佢咁辛苦，已經忍住扮冇嘢繼續氹佢，但其實我撐得好辛苦，好心痛！
響醫院走咗之後，我心情一直都好差，我咩都做唔到，我覺得自己好冇用，假如我有能力，我一定會俾佢住私家，起碼所有療程都可以盡快進行，咁佢就可以唔使受咁多苦！
返到公司我已經唔想講嘢，但當同事一問起我婆婆點�H時候，我忍唔住爆喊咗出嚟∼或者係因為我一直扮開心、扮冇事先咁！不過喊完舒服好多∼但我食飯完全冇胃口。。。已經唔想食喇！
收工之後，我就過銅鑼灣等啲人，啲人自己已經食咗飯，佢就陪我去sogo食八爪魚丸做晚餐，之後就買咗啲生菓俾家姐聽朝拎去俾婆婆∼今日係我們的67個月，不過啲人心情麻麻咁……唔知佢係咪唔開心呢？
分類: 我們的生活點滴 |
