上海之旅:

第一天

第一日去到上海已經8點幾...之後8點幾係機場搭車去酒店...因為有55人...所以就分左兩架車去~去到酒店都9點lu~拎房..我地佔哂4樓全層...個feel好正呢~之後放低埋d行李就落去食晚飯喇...其實都唔肚餓...因為係機上面食左野...嘻嘻~落到去個canteen啦..之後分組坐食飯...基本上我係無食過...有d人都係...可能又唔肚餓啦...同埋d野食好難食..所以唔食lu~之後上返房..無咩野做~係度睇電視...hea下...沖埋涼都好夜lu~無幾耐之後好似訓左喇....

第二天

第二日朝早....好眼訓唔願起身呀...俾winnie佢地整醒我...係酒店食早餐...都知唔方好食架喇...係咁易食左小小野囉~之後食完就上車出發去上海博物館喇...去到個度解散...自己係入面睇野...有好多個唔同既館呀~今日係我地組影野拍野交功課...我地係d館入面拍左好多好kai既野呀..又好玩又好笑~哈哈...好正呀...人kai拍d野都kai~行到好攰就去左坐下...夠鐘就去集合~之後就上車去食lunch lu~個時好驚唔知去邊度食,...又怕難食喎~之後點知去到都幾好食..嘻嘻~個間野d人係著住roller鞋架~超型..一開始食個時..唔知點樣整瀉左成杯可樂...件衫污糟哂..去廁所洗..淺色左~之後食完架喇...係度傾下計..之後由呢日開始就勁搞爛gag...我都唔知自己咩事..好彩無咩人聽到...之後走啦..係間野門口發現有個人係度行黎行去賣野...原來係笛黎既...之後見佢幾得意~就買左支喇..之後上車去第2度lu...去到又係行另一個博物館...隻腳幾攰...之後再搭車去第2度..去名人街行街...點知行行下落雨,,,好彩聰明既我有帶姐~哈哈...之後好快行完..未夠鐘食飯...就去左個商場行...有d悶...之後食飯...返酒店

第三天

第三日朝早...都係唔願起身...叫左好耐好耐先肯起身~哈...(有邊日唔係架)~起身去食早餐..又係食小小..之後就上車去豫園城隍廟...去到個度都係係咁行...好多野睇呀..都幾正...不過係超熱爆...行到腳好攰...之後就買小籠包食...排左好耐隊呀..真係勁多人排..多得winnie&東...thx...之後搵個位食...其實我覺得同平時個d差唔多...之後食完再行過...之後就等齊人就上車喇..去上海書城...好大..不過無咩岩我...so無買到..行到隻腳唔似自己咁...所以就搵個位坐低左..之後就打左一陣機...就去下一個地方..步行街..本身諗住會有好多特別既野睇...點知去到...全部都係d大型既鋪頭~無咩行...之後就去坐小火車..3蚊雞...由街頭去到街尾...之後好快落車...行行下...去左個遊樂場..好似冒險樂園咁..好正呀..個個都kai哂...不過真係好好玩..之後我地以為會遲到...又以為個度同集合個度好遠,,,所以就跑過去...點知...跑跑下,,,見到d老師...俾佢地發現我地跑..仲要係未夠鐘...真係kai爆囉~之後夜晚去食野之前去左坐船...d景色麻麻啦...我諗香港令d..之後有個女人唱歌...幾難聽...好悶..就hea下hea下..就落船...之後就去食飯喇...好味道呢~then返酒店...

第四天

一樣..都係唔想起身...呢日我地直頭唔食佢d早餐...去隔離超級市場買野食...哈~因為實在太難食喇...之後今日要坐個幾鐘車先去到目的地---朱家角水郷...個度好正呀..好多野行...行唔哂呀..買左d野咁...good..d野都幾平..我地仲搭左9個字船tim...嘻嘻~之後食野...下晝又係行...行七寶古鎮...呢度d野仲平d...好正呀!!行到腳仔軟呀~d野又重喎~成個人都好攰...好似散左咁...呢度都係行唔哂...仲行得好小tim~之後夜晚就食飯...今次好早就食lu~食完之後俾我地自己活動...我地就返左酒店之後就出左去行下街...點知出到去~都無野好行既...好快就返返上去lu~買左d野食...沖完涼~hea下...就開始kai喇..拎哂d野出黎食...話大食會...哈哈...真係超搞笑呀..3個人走埋一齊就開始kai...哈~之後唔記得幾點訓左lu~

第五天

今日好醒目...自己醒醒地..不過有d唔願落床,,嘻嘻~~仲話自己係特務...仲要係特務on J~哈...j for jessie呀~之後拎埋d行李去大堂...我地都係唔食早餐..之後將未食哂d野食上車食當早餐...哈哈~~去到科技館...係度睇野同玩野咁...無咩特別好玩...只係好攰..係個度食埋lunch..唔好食既...食左小小啦都係...之後就集合..就出發去機場返香港lu...成個人都好攰呀~~

聽日就走喇....5日之後先會再見lu...唔好掛住我喎大家...哈哈!!呢幾日係咁落雨呀...唉..希望個邊唔會落啦..如果唔係就好掃興同埋會無咁好玩架喇...嘻嘻...第一次同d朋友仔去旅行...好正呢~...10年回歸個上面過...唔知會唔會特別唔同感覺既呢..?!好想快d到聽日呀...哈~

今日都算係考完試喇..淨返聽日既oral...唉~終於鬆一口氣喇..嘻嘻...依家好似成個人都輕哂..等過埋呢一兩日就走喇...今次考得好差呀...派左2份...2份都唔掂呀!!希望其他ok返d啦...對於今次既考試...真係幾失望~到底讀書應該點既呢??點樣先係最好既讀書方法呢??

琴日係f.5&7既結業禮...朝早就如常返學...之後12點半度就放學喇..因為prefect夜晚要幫手...所以就要2點半返到學校..點知2點半返到去都無野做既..之後就係度hea下玩下咁喇...不過好好玩呀...笑到我肚痛呀...特別係阿平佢d動作真係笑爆全場呀...永遠都會記得佢d動作呀...哈哈~~之後到左4點左右就去練操喇...因為我地prefect5點半要操俾d嘉賓個d睇...之後練個時都ok呀...之後到左真係操個時都ok既...不過都好似唔係好齊...之後yan上台致答詞啦...講講下平時好硬朗既石sir竟然聽到喊左出黎喎...因為真係幾感動..之後完左個操我地全部prefect為石sir列隊say thankyou...個一刻真係勁感動囉...見到石sir係度喊...大家都不禁落淚...當然唔少得我啦...之後就休息下咁...之後個典禮完左就幫下手...到左11點度先係學校走...去食野...之後就返屋企喇...好攰呀~全日都好少坐...返到屋企拿拿聲沖完涼就去訓lu....

今日8點就起身喇...因為要返學校補課..補英文~傻傻地架..放假都要咁早起身...唉~之後返到去一陣..就開始補喇...有少少恰眼訓..嘻嘻~之後12點就放人...之後我地就去食飯..去左新開左無幾耐既英皇餐廳食...都ok呀..不過好多人囉~同埋食到有d熱..可能因為食得好趕啦~之後應該要1點05分返到學校去睇"羅密歐與茱麗葉"既歌劇...但係我地遲左...不過都未到齊哂人..所以就過多一陣就上車喇..我地架車勁少人..有一半位都空既~但係另一架就爆哂...去個時無咩野玩...淨係sms...之後去到文化中心啦..過左無幾耐就入埸喇..之後睇呀睇...睇到隻眼好攰..同埋有d眼訓...所以恰左一陣(幾次)..哈哈..之後睇到5點半度先睇完..其實都幾好睇既..不過又要睇字幕..之後又睇返個台...搞到隻眼好辛苦..之後回程..5點45開車...一路係咁玩係咁笑...笑到超攰呀...玩到癲哂~嘻嘻..之後玩左一半既車程就好攰~所以唔玩喇...之後好快就返到天水圍喇..之後就去左食少少野..之後就返屋企..今日同媽咪慶祝生日..嘻嘻!!~今日都幾攰下..聽日又要早起身lu...就黎考試喇..好驚呀...