今日係party呀~~好開心呀.....不過我地係班既時間好少呀~人地食緊野個時....我地就去左玩~一開頭係玩李sir先架~可能佢個舊係最勁個舊呀~哈...我地整估人...搞到好多人食完都喊....哈~真係sorsor...之後就係班玩game~原來kammy對眼好勁架~哈哈...心照啦~呵.....之後完左就去左canteen度hea左一陣~就打排波喇~跟住就玩數字球~唔知點解最近好鍾意玩呀....好正呀~玩到好攰呀~就去左籃球場睇師生踢波~之後又係canteen hea~之後就走lu~

今日既心情好複雜.......大起大落~喊完好勁又笑得好勁喎~真係有d覺得好辛苦.....講返今日場波先~今日我覺得自己打得好差呀!!好似搞到我地社輸左咁~唉......有d內疚~算啦.....佢地事實上真係勁既~kammy,winnie你地今日打得好好呀~叻女....嘻~今日玩數字球笑死我喇~我嗌左....哈~~唔好提喇~真係超好笑呀~!!

呢排d天氣超凍呀...又要落雨喎~唉....過住呢d日子,最後都係病倒喇....本身淨係喉嚨痛架咋~之後唔知點解依家變左傷風喎~好辛苦呀.....今日要多謝kammy包清熱皓~如果唔係佢俾左我飲~我諗我都無咁快可以開返把聲...講返野~因為今朝直頭係講唔出聲~把聲好沙好沙~唔似自己把聲~哈~諗返都幾好笑....今日放學去睇歌唱比賽初賽呀....不過睇唔到冠哥哥個d~有d可惜tim~睇左其他個d....有d都唔錯~希望冠哥哥個d都入到決賽啦~

唉.....經過今日之後就發現有好多人都好賤呀....我唔係好明我地咁辛苦為d咩囉...其實係我地今年做得唔好呀...定係今年d人真係同上年好唔同呢..?!!難怪有人話"我地.........好唔掂"啦~~我終於知道囉.....我真係好唔想人地睇死我地囉~可能有人真係唔得而唔係唔想既~我明白既.....不過都好希望下次仲有機會既時候.....俾我對個d人加返d印象分囉.....

講哂今日好想講既野喇......講返今日真係好攰呀~~行行企企左成日....仲要無咩野做喎~咁先至最辛苦呀....都無咩好講喇~

今日放學李sir搵我地3個傾計.....點知winnie要6點幾先得閒~所以就我同kammy去先...開頭個時好驚..唔知佢要同我地講咩喎~之後講講下終於都係忍唔住....唉~~我覺得自己好失敗囉~~好似咩都唔掂咁.....以後都唔會點練波喇~要同排波講bye bye....唔可以再同佢有任何既接觸喇~如果再打既話...就會讀唔到書....依家讀書係最重要~考好個會考.....

                                                                                                                                          by jessie