我都好耐冇打blog啦~
最近成日都係到搵野做~
搵左好多份都係無消息.....
唉~
真失敗！

講返d開心事先~
今日係T-33Miss Wong結婚ge大日子！
雖然佢只係教過我一年，but佢都幾好人^^

我今日一早就起左身準備去觀禮ge野~
差唔多12點ge時候，我就出左去食飯~
食完飯就搭車出去太子等張嘉怡~
好彩我係1點半之前到左~
但係張嘉怡就要1345先到......
不過男仔等女仔都應該ge~
係太子去荔枝角好彩係好快~
好彩趕得切係婚禮開始前到達~

Miss Wong婚禮係教會到舉行~
果聖堂好靚，佈置雖然好簡單，但係簡單而隆重~
入到去坐低無耐，果婚禮就開始~
果位雖然有條柱阻住左，但係係電視到可以清楚睇得到成果過程~
當新郎新娘入左禮堂之後，我見到游sir都入左黎~
我都唔知過程有幾耐，但我覺得時間過得好快咁......
所謂開心ge時間過得特別快，真係岩~
係新郎新娘致謝ge時候，新郎唱Miss Wong偶像劉德華ge歌送比佢----愛你一萬年~
雖然唔係唱得特別好聽，但係好有心思~
呢份心意真係好得~
完左之後，就係到影相^^