今日係暑假ge最後一日~
時間過得真係快~
呢個暑假好似冇乜野做過咁~

大前晚冇瞓到~
睇晒成套《灼眼的夏娜》~
攪到我好攰~
呢套動畫都唔錯~
好好睇~

呢個8月都唔知算唔算有所得值~
我對愛情呢樣半懂不懂ge野開始有d眉目~

今日要返去學校補課~
但係我遲左去~
好彩未開始~
今日ge補課我果班又係得我一個人去~
今日知道我果班會有新同學~

講返起~
對上果個星期日日都係到玩
都冇認真諗過開學之後要點做~
希望今晚會諗到啦~

08年3月就要考AL~
我一定要好努力先得~
佩琪就08年4月就開始考HKCEE~
我諗佢果幾個月一定會好唔得閒架啦~

為自己ge目標而發賁~

今日同平時差唔多時間起身~
app一on msn就唔知佢做乜事~
係咁係到發脾氣~
都唔知佢係到嬲乜野~

食完飯之後，我就自己一個人走左去踩單車~
吐露港出面變左好多~
唔知係唔係我好耐冇去果到呢~
我一踩就踩到去大尾督~
好彩今日唔係好熱~
今日都唔係好多人~

返到屋企都3點幾lu~
沖完涼瞓左一陣~
就開電腦上msn~
踩完單車隻右腳痛到乜咁~

佩琪已經無on兩日lu~
我諗佢一定好唔得閒~
唔知佢點呢~
希望佢聽日會on啦~

 <<最壞打算>>

當你話要與我分手　我要怎麼先能夠撐得漂亮
要有自信　還肯定要堅強　預了分手那幕我就未怕傷

相信道別後頑強生命照舊如常
男孩不賣我的帳　陪朋友亦有獎

＊原來未曾被遺下未會知　極度重傷怎去醫
　人被你親手拋棄後　我至知失戀意思
（懷念你超出估計後　痛苦都超額透支）
　原來十年廿年後亦會知　從此一拖手我就怕傷多次
　重頭做過人　我都不敢試＊

有計劃過　要有節制失戀　卻計不到一回顧太多片段
有計劃過　無須害怕失眠　遇見攬枕發現　掛念你雙肩 ha...

Repeat（＊）

刪不去全部你的短訊　繼續悼念也是沒有法子
曾經縱壞我　陪我逗我　逐個訊息　痛哭一次

原來未曾被遺下未會知　極度重傷怎去醫
懷念你超出估計後　痛苦都超額透支
原來十年廿年後亦會知　從此關起雙眼就見悲慘景緻
重頭被愛　難怪都不敢再試

今日好早就起左身出左去尖沙咀~
因為今日要去藝術館參觀~

我十一點前已經到左~
點知我係第一個到~
Miss Chan隨後到達~
d人亦都開始陸續黎到~
but我個班d人~
唉~
遲晒到......
睇再一陣就走啦~
都唔知佢地黎做乜~

講返今日睇ge主題係"國之重寶"~
今日睇到ge展覽都有唔少~
起初我以後藝術館同圖書館一樣會好靜~
結果唔係~
今日仲去左睇"清明上河圖"~
可惜只可以睇5mins~
but幅畫可以展現到比人睇當時中國社會ge景況~
由寧靜ge鄉郊畫到繁華ge城中~
每一筆都好仔細~
睇完之後藝術館送左一個袖珍版ge清明上河圖比每一個人~
之後，就去左隔離果展館睇書畫~
今日亦都見識到乜野係詩中有畫~

睇完之後，我就一個人行左去尖東食野~
食完野就返屋企~