我今日去左做義工。我地去到旺角地鐵站之後，個個都見唔到ｈｅｚｏｎ（除我之外），其實佢就企係我地隔離。ｈｅｚｏｎ話我地要同ｄ小朋友玩，同埋小朋友之中有好多少數族裔。人齊之後我地就去陳慶，見到另一班義工，點知又要分組，我超級無奈，因為要同個軟弱書生一組。我覺得ｒｙａｎ好似黃嘉樂。之後一班小朋友沖入黎，佢地好得意嫁。我地一齊玩得好開心，要走個陣好唔捨得ｄ小朋友。我地做完檢討之後，ｈｅｚｏｎ俾我地同ｄ小朋友影相，原來我地係唯一一組同ｄ小朋友玩。影完之後，ｄ小朋友都散，有個男仔（叫李劻霖，我同阿蛙都好鍾意佢，因為佢好得意）我地同佢講完ｂｙｅｂｙｅ之後冇啦啦喊，我地仲以為係唔捨得我地所以喊，原來唔係，佢喊係因為佢媽咪未黎接佢。走個陣ｈｅｚｏｎ叫我等ｄ組員返哂屋企之後，打個電話俾佢。真係好攰呀，死ｈｅｚｏｎ同超華咩都叫我做，又成日打俾我，煩死，不過有野做好過冇野做，哈哈。
盈之鍊金術師字
豬豬豬｝｝｝你的鼻孔有兩個，，，，，洞
|
