今日係活動會演，好好睇呀，個畫劇超爆笑呀，笑到我地死呀！！之後就係有出面ｄ人黎跳舞，佢地跳得超級勁，而我地學校都唔差，特別係周豔嫦，佢跳得超好睇。放左學之後，中４個ｄ流行樂隊的人，為我地特別表演，阿狗彈結他好勁呀！！個鼓手都好鬼４，不過都係覺得自己勁ｄ，哈哈！食先野就係學自管啦，今日係要帶ｄ國內的大學生參觀校園同北區。好開心呀，同佢地交流真係學到好多野，佢地對我地好好，好親切呀！希望可以再見到佢地啦。個個死超華，係我最口渴的時侯，佢居然係我面前飲水，仲扮哂野叫我幫佢倒水。哼！鬼叫你唔俾我搭電梯！今日真係好開心呀，Ｄ社工又好人，總之就好有意義，學左好多野啦！

　　　　　　　　　　　　　　　我是一粒傻花生;;]]]★＊]°°盈字

今日要咩英文日營呀，極度白痴，超級無聊。放左學之後，我地成組人就去中環做訪問。好開心呀，中環真係有好多外國人，有好多令仔呀！！哈哈！我地去左搭全港最長個條扶手電梯，好好玩呀！之後去左Ｈｏｓｏ，Ｈｏｓｏ係好似蘭桂芳咁，不過全部都係ｃａｆｅ，好正呀！去到ｓｔａｒｂｕｃｋｓ之後，我地見到鄒姑娘，佢同我地傾左一陣，仲請我地飲咖啡，多謝鄒姑娘！！過左一陣，我地個訪問對象就黎左，佢好令仔呀，個頭又型。開始訪問個陣，我好驚呀，好驚講錯野。不過又幾順利，Ｒｉｃｋｙ（個個人）都幾親切，對我地都幾好。問完之後佢仲送左ｄ野俾我地，多謝哂∼！鄒姑娘帶左我地去行一圈，點知我仲見到呂方，我見到佢之後突然大叫佢個名，之後ｄ組員又行返去睇，笑死我，不過居然見唔到Ｄｏ姐。今日真係好開心呀，哈哈∼！

　　　　　　　　　　　　　　　　　　　　　盈＊我是一粒傻花生字