今日本來係跟學校去赤柱，但係我要領袖培訓，所以唔去得。一開始大家就分組，我同阿蛙，ｃｈｉｍａｎ，淇淇，塋塋，阿嘉仲有強尼一組。阿蛙同ｃｈｉｍａｎ對我好好呀，ｃｈｉｍａｎ好似我哥哥咁，好搞笑呀，我同阿蛙就做左好朋友。好開心呀，又識左多ｄ新朋友。分完組之後，大家就開始玩遊戲。第一個係猜包剪ｘ（唔識打），我地一定要成組出同樣的野，但係又唔可以用口講大家出咩，不過我地輸左呀。第２個係機械人大戰，我地超無奈，都未開始行就俾人打死左，哈哈。第３個係玩運波，我地終於嬴左啦！！第４個係生存島，一組人企係一張報紙上面，雖然好逼，但係大家都好開心。第５個係唔知咩，大家要用繩同一個扣，將個波帶到另一個頂到，好難呀，因為唔夠時間，所以我地玩唔哂。之後我地去食晏，不過就規定一定要＄５０內，而且要４個菜，有飯，有野飲，我地去左一間不知明的地方食，超難食呀ｄ野，都唔知係唔係人食的。我地食左＄４０，之後就交單俾ｍｉｓｓ　ｈｏ。下午我地一開始玩老師話，個個人都唔知係唔係傻的，明明講左老師話都話冇，不過都好好玩。仲識多個人，叫ｍａｋｓｉｍ，哈哈！佢同另外一個男仔係到串個個社工。勇呀！玩完之後，我地都只係係到聽野。４號就要交點名紙，我地一定要快ｄ做好呀！

　　　　　　　　　　　　　　　　　　　　　　　　巴斯小盈＊豬兜反擊戰字

今日有傳道人黎我地學校，聽足５個鐘，悶都悶死我啦∼我地幾個係到玩。不過都有一齊唱聖詩，孫ｓｉｒ佢好慘，俾人捉左上台，我地仲要一齊跳舞，笑死我啦。之後個個傳道人佢講野好好笑，有ｄ潮州口音咁，笑死我地，我地祈禱個陣，有人學佢講野。放左學之後，我地一齊去食晏，係校巴到個陣，張芹冇啦啦話要ｍｅｉ我塊面，我咪俾佢ｍｅｉ囉，哈哈，其實有時佢都幾好人的，唔好拍我個頭都得啦，哈哈。我地去左食ｍ記，見到好多人，不過見唔到ｄ舊同學，好慘呀。食完之後，我地３個女仔就去左行街，佢地２個男仔就返左學校先。真真同平姐都買左隻夾，我就一路係到發癲，哈哈，白痴萬歲！！我地返到學校之後，係咁練，連阿爺同阿唔知咩（中４的）都過黎幫我地。佢仲叫我地去漫畫節，中４的學兄叫到，一定會去的。到我地唱個陣，我地好韉呀。雖然嚴梓澄唱錯左，但係我地都係自在參與，入唔入決賽都冇所謂（但係嚴梓澄好似好想入咁，哈哈）今日好開心呀，因為見到好多令仔呀，哈哈！

　　　　　　　　　　　　　　　　巴斯小盈＊豬兜瘋狂探險記字