今日一早就同媽咪去大家樂食早餐，之後就去左心姐屋企溫書。上到佢屋企之後，我同文嬌係咁攞野食，哈哈∼！不過之後就好乖咁溫書。心姐的爸爸媽媽好好人呀，佢爸爸好有心機教我地，我終於明哂ｄ數學啦，原來三角形都唔係好難姐。今日係我最比心機溫書的一日。文嬌真係好搞笑呀，係咁痴住我，笑死我啦！溫完之後，我同文嬌行返屋企，熱死我啦！！行到球場個陣，我地有個男仔係到半裸踢波，佢著左條肉色的褲，搞到我同文嬌以為佢係裸體踢波，笑死我啦！！

　　　　　　　　　　　　　　　　　　　　　　　　　　　巴斯小盈＊星際隊員２３號字

今日係第２日考試，今日考中文同英作。英作都幾好，不過中文就．．．希望可以ｐａｓｓ啦。終於可以休息下啦，不過下星期一又要繼續考，仲有一個禮拜就考完啦。加油努力呀！！１Ｂ班的各位同學我地一定要攞好成績，唔好衰俾人睇呀！！加油努力呀！！今日都唔知做咩，連續２次見到死肥森，好彩我冇嘔．．．．見到佢都衰ｄ。好憎佢呀！！今日搭校巴，個個張芹都有搭，佢又係咁叫我狗仔啦！！激死我啦！！成日都拍我個頭，不過佢今次冇咁勁，見到佢我都嚇死，哈哈！

　　　　　　　　　　　　　　　　　　　　　　　　　　巴斯小盈＊星際隊員２３號