今日一早就返左學校，因為要開會做ＰＬ，點知返到去我地個個都係到玩。ＰＬ室ｄ電腦廢到冇人有，超級慢呀！搞到我超想打爆部機。不過我地都係係到上ｂｂｓ，係到玩。今日玩得好開心呀！！走個陣突然落雨，我都唔知點算，好彩阿哥借左把傘俾我，ｄ雨愈落愈大，阿媽仲叫我自己買壽司返去食。我都唔知點返去，大雨到我死。好彩過左一陣之後，ｄ雨細左好多。係屋企食完野之後，又開始落大雨啦！點解係都要假期先落雨，平日返學又唔落，搞到鬼咁死熱！！就快考試啦，真係要努力溫書啦，我真好想我地成班都直升去Ｆｏｒｍ２呀，除左７號同５號同學之後。不過我今日真係好開心呀，我諗聽日一定更開心嫁∼！

　　　　　　　　　　　　　　　　　　　　　　　包小盈１號噴射機字

今日早會個陣真係熱死我地啦，個個都成頭大汗，我熔啦！！音樂堂個陣聽到呀鉗唱歌，好難聽呀，我地成班都按住隻耳仔，真係好恐怖呀！視覺藝術堂個陣好好玩呀，因為我地成組都要合作畫一幅畫，雖然畫得好樣衰，但係都好開心，好滿意，哈哈！今日中文有測驗，我地仲以為好難，好彩都唔算太難，希望可以攞高分啦！午膳個陣我又落左去食，今日心姐有ｍ記食呀，我地搶哂佢ｄ薯條食，哈哈！今日又２個測驗，第２個係英文，個測驗都好易，唔太難，又係希望可以攞高分。我星期一就要面試領袖訓練計劃，真係好想入呀，我一定要入領袖訓練嫁！！返到屋企之後，突然落大雨，嚇都嚇死我啦。我今日真係好開心呀，我諗聽日一定會更開心嫁！（出至小露）

　　　　　　　　　　　　　　　　　　　　　　　　　包小盈１號噴射機字