終於都到星期五...雖然哩個禮拜返3日半....但係我都覺得過得好慢!!!點解架???點解會咁架???

今日Wendy姐姐覆診請左病假...得返我地3個!!今日做0既野就係搵d學生出黎整d barcode俾佢地要黎試用PPS....尋日仲搵左鑽石能量水d人黎聽野...老細今日問返林小姐...點樣??聽到好貴就話唔好要....但係林小姐好似想想地要咁....唉..唔知佢地喇.....

跟住都冇咩特別野做....都係悶...悶死....好難先到lunch....食完飯睇左陣電視....下晝d時間就過得快d喇....哈哈!!!好快就到左放工...返到屋企整好晒d野睇左陣電視.....就出門口......

去到良景OK就見到阿豪....我買完野出到黎見到佢同個fd傾緊計!!!咁我就等左佢一陣啦....跟住就返上去....睇下尋晚食淨d咩啦???之後就落去買返少少野返黎打埋今日邊爐....一路食一路睇《野蠻奶奶大戰戈師奶》賀係勁好笑....哈哈哈!!!!d野0岩0岩好食晒....聽晚唔知食咩好喇......

食完就洗碗啦....跟住阿豪落左去買野飲啦....我就睇雜誌!!!!等佢返到黎就訓lu!!!

嗯....聽日長週....要返工lu!!!!!

今日好悶...等左好耐先至到12點...點解會咁架???好在upload岑岑d相上facebook...唔係真係悶鬼死....

11點幾阿豪打俾我話佢PASS左...哈哈!!!之後話而家去佢三哥到同佢食飯~~等我放工黎接我...

lunch出左去買飯食....食完睇左陣電視就夠鐘喇...返到落去整左陣野...好快就放工...阿豪接我放工...好耐未接過我放工喇...哈哈!!!

之後去左吉之島...行左陣...就返佢到買野返去打邊爐....食之前要洗晒佢廚房d碗先得...佢問佢細佬邊個食完飯唔駛碗呀??成日都係咁??仲駛問...當然係佢媽咪啦...唉!!!算啦....都唔係第一次架啦~~~我仲幫佢細佬洗埋隻（穫）添....

洗完晒完就洗菜切野...嘩..凍到對手冇晒感覺!!!勁呀....等阿豪沖完涼就食野...食飽飽睇左陣電視...阿豪就執野洗碗....哈哈!!!之後就訓lu!!!

今日係2008年0既第一日返工0既日子....返到去台面就好似打完杖咁....勁多野0係晒到....見到就覺得煩...所以心情都麻麻地....

到整出席啦....咁我都好似平時咁打去問下點解d學生唔返學啦!!!好多人都搵唔到....已經覺得好煩架喇...打俾一個家長...
Joanne︰請問XXX點解唔返學呀???
家長嬸︰嘔（不滿0既語氣）
Joanne︰哦..即係請病假...
家長嬸︰我而家帶左佢去睇醫生啦...你係邊個呀??（好惡0既語氣）
Joanne︰哩到係校務處..你下次打返黎請病假呀!!
家長嬸︰我同馮主任講左啦..d功課都俾左同學幫我交啦!!
Joanne︰咁好啦唔該晒拜拜...（即收線）

我淨係想知點解佢個仔唔返學0者...駛唔駛咁呀??好在你個仔唔似你咁冇禮貌...都唔知有冇搞錯....好過份呀!!!!

之後成日都無無聊聊咁....呆下呆下...都唔知做過d咩???

lunch出左去買車仔麵...返到黎食完睇左陣電視就返落去喇...整下哩樣整下果樣又好快放工...返屋企搞掂晒d野就出門口....冇幾耐Mango打黎話落黎屯門搵我地....咁我等埋阿豪放工就去一路食野一路等佢過黎....

食飽飽就送Mango去搭車...之後我地就走喇...返到去睇睇下電視訓左覺...因為真係好眼訓呀!!!

今日係新一年喇....我地要努力儲錢喇....為將來嘛...哈哈!!!

我地訓到3點幾先起身....之後去左吉之島食野....食飽飽去左影貼紙相...第一次同阿豪去影...仲要係新一年0既第一日...哈哈!!!

影完就行左陣....之後就返去睇《野蠻奶奶大戰戈師奶》....勁好笑...睇埋《律政新人王II》就落街買野返上去食...食飽飽睇左一陣叱吒就訓lu!!!

聽日就要返工喇....咁快就放完我0既10日假期lu!!

今日我同阿豪都放假....一早落左街食野....之後就睇下電視...5點幾就同阿豪搭西鐵出去同婷婷、阿寶去左《霸王山莊》到食野....

食完野我地就搭地鐵落旺角....陪佢買左對鞋...之後就去尖沙咀....勁多人....哈哈!!封晒路...我地0係條馬路到行....之後入左去半島果邊....要分批入鐘樓....排排下佢話要去廁所...忍下都唔得...咁就出返去啦....佢去完話同我入返去...唔入啦...又排過咩???咁就去左搭地鐵落旺角搭巴士去西鐵站搭西鐵返去....

返到去都12點幾...之後就買宵夜返上去食....4點幾先至訓....