今日係聖誕節....阿豪返工....我就返屋企....冇幾耐出左去...12點幾去吉之島買聖誕禮物俾阿妹同細佬...而阿豪尋晚已經送左俾我lu...係一隻識得行同唱歌0既Hello Kitty...好得意...哈哈哈~~~

返到屋企媽咪煮通粉俾我地食....食完阿妹同細佬出左去棒棒堂握手會...媽咪冇幾耐都出左去睇婆婆..我就0係屋企包好我親手織0既冷帽....

6點幾就拎埋個Tiramisu出黎..整到靚靚咁...跟住就搭車上左佢到....放好晒d野...再出去等佢放工....我陪佢去左買衫..之後就去左打邊爐...食飽飽返到去...佢都好鍾意我送俾佢0既禮物...哈哈....等佢沖完涼就食Tiramisu....佢媽咪都有一齊食....佢話好味.....都好..hee!!等佢食完就訓lu!!!因為佢聽日都係要返工~~

今日係平安夜....阿豪要返工...我12點幾就返屋企同屋企人去左飲茶....飲完茶就去左買整Tiramisu....買完就返屋企整....整完就沖涼出門口..同阿豪去左食飯...食完飯返到去睇左陣電視就訓喇....

雖然係一個平平凡凡0既平安夜....但係已經好開心...因為可以同自己鍾意0既人一齊過係唔同d0既~~

今日我地兩個都放假....訓到3點幾先起身...跟住落祥景食野...食飽飽行左陣就返上去喇....睇左陣電視就去左凱都...買左7點8飛睇《破事兒》...買完飛就去左食車仔麵...之後就睇戲喇....都幾好睇丫...返到去7仔買野返上去食....阿豪為左儲印花俾我!!哈哈~~~返到上去食完野睇左陣電視就訓lu...

嗯...今日係長週...返9點放12點半.....差唔多9點Wendy姐姐打俾我問我0係邊??我話返緊黎...返到去Wendy姐姐見到我買左包..就話Sunny哥哥想叫早餐...仲諗住等埋我先叫...

今日都冇做野0既心情....好期待今晚0既劉德華演唱會...更加期待我0既聖誕假期....12點3...Wendy姐姐話放工...我話下???放工??我就問佢你今日返左幾點呀??之後佢先記得今日其實返9點...佢...就返左8點...我話唔怪之得你打俾我問我0係邊啦??終於佢都係12點3走左...而我12點半就走左喇...

跟住0係輕鐵站撞到阿年....佢去良田體育館....而我就去良景...同佢一齊搭507....哈哈!!!落左車就去買M記返上去...上到去佢細妹0係到...仲問我係唔係0岩0岩放工添??冇幾耐阿豪就返左黎...同佢一齊食飽飽就沖涼出去lu...

佢陪我去拎野先...之後就去左朗豪坊影相....跟住就去左《便所主題》到食飯....哈哈!!!食飽飽就去紅館lu...

嘩嘩嘩...劉德華演唱會真係幾好睇....唔錯唔錯..睇完就搭車返佢到....0係佢樓下換埋Hello Kitty添...有3隻...3隻都唔同款架..好開心呀!!!

今日終於到左返9點放4點0既日子喇....哈哈哈!!!返到去見到老細返左黎...Ivy姐姐話佢8點半返左黎....嘩...駛唔駛咁早呀??跟住叫左個早餐...食飽飽就做野....12點老細就走左喇...都係做平時d野...做完就0係到上下網咁...

1點幾食lunch....食飽飽就開始寫我0既聖誕咭....寫完之後上網搵下野...又到放工lu!!!去左萬寶做facial...點知佢幫人修緊眉...咁我就話行陣先啦...行一行就買左對耳環同手鍊...跟住仲送多對耳環添...哈哈~~跟住美容醫就打俾我話ok喇....5點幾先開始幫我整...整到5唔多7點....之後就返屋企....

返到屋企食食下飯阿豪打黎問我0係邊???我話你話約左同事食飯我迷自己0係屋企食囉....跟住佢話自己食...我話食完先搵佢....

食飽飽就出門口去搵佢....上到佢睇等佢沖完涼就一齊睇大結局~~~睇完就訓lu!!!

返埋聽日就連放10日....真係好...但係諗緊24號返半日好唔好??因為我1月28日考車牌要拎1日...2月18日表姐結婚拎半日...跟住就得返8日...咁我新年、復活、暑假點算??定係1月28日拎病假好??咁我迷有9日囉??唉!!!好煩惱呀!!!點好呀...

聽晚去睇劉德華演唱會!!唔知好唔好睇呢??