米高今朝打來，說佢會帶光劍(lightsaber)，然後仲問我借Harry Potter第四集喎~ 【一物換一物】
(最好笑係佢仲問我睇唔睇"Kingkong"<---睇左N世，D語氣突然好細路，不知為什麼我覺得佢好可愛……>w<)
於是我找遍成個櫃，Harry Potter123集都翻了出來，就係第四集鬧失蹤…… 一問媽咪，原來借左俾爸爸的同事。
我跟住繼續睇電視，但媽咪叫我同米高交待清楚…所以我又打過去，米高順便提我番教會...(食到Lunch先算啦!)
等左一陣(2:00pm)，米高又打過來，同我講佢到左，問我食完飯未、幾時番? (真係又好氣又好笑)
我一接到佢電話即刻出發，到左之後，原來都未有人番，我第二個……嘩！把光劍超可愛，識伸縮~^ ^
米高原來帶左佢個同學來(怪不得咁早到啦!)，佢同學(伊人)個頭重勁過阿軒，米高看起來格格不入(或者代表佢乖仔)...
欣姐唔知係咪中左美男計，成日望住"伊人"<---亭姐狂笑(哈哈哈哈哈)
分組玩遊戲同分享……米高理所當然同伊人，亭姐理所當然同陳可欣，我……理所當然……同卓賢……= =
佢咁高，玩遊戲時我簡直活受罪；分享，又唔知同個男生分享乜……(無奈)(不過同陳可欣我應該仲無奈)
之後完左，米高話要打恐龍(Lego game)，我幫手㩒制，超刺激，不過最後無啦啦KO左……—0—
回家……一邊玩光劍，一邊行，米高話我小心整到人，跟住佢話示範點玩得型D……跟住……
行落樓梯，開始示範，一揮手臂，光劍出銷，然後，後面個阿婆鬧佢「唔好喺樓梯玩!!」(笑~~~)
但主角仲未知發生咩事……俾人鬧都唔知……佩服!
|
