今日約左亭姐11 am來我屋企食米粉，點知佢11:20 am先到，跟住仲要同我講場戲12:20開始，
於是我地快快脆脆食完碗米粉<----其實只有我係食"完"，亭姐掛住同霖霖笑，仲剩半碗~
之後去左撘"亡命小巴"去旺角，然後直奔朗豪坊的UA戲院，點知……出事啦……
我地到左UA一睇，原來我地冧住睇嗰套鬼片冇得睇——16:00開始<----我地好大膽去睇鬼片，嘻嘻~
於是本小姐提議去滿記食士多啤梨涼粉，但滿記未開，跟住我地又去無印良品閒逛，亭姐買左入口即溶的棉花糖，
我買左支"梅味米醋"飲，一入口味道好酸，之後覺得有D似蘋果汁溝益力多，但唔噁心。
為左等2nd Choice"傻豹遇著烏sir sir"開場，我地去左揀Michael的生日禮物，路牌? 三眼仔? Lego月曆??
禮物都未揀到 就去左睇戲。買完爆谷後亭姐醒起原來呢度係UA，而佢尋日check timing時，check左嘉禾……
套戲超好笑，已經睇過一次的亭姐 笑到停唔到，哈哈哈哈哈<----Me too.
出番嚟戲院，撞到Willy同湛"鎮"偉，嚇死! 大大聲叫我Joanne，體藝人可謂遍佈全港，想避都避唔到……
跟住我地去繼續揀Michael的生日禮物，不過無料到，亭姐於是拖我去隔離的旺角中心，一直到4:10左右……
到今日的壓軸活動——(詳情請見下面的密碼保護日記：password：michael)
我地首先出左C出口，然後去視察銘賢書院的環境，中途去左7-11買水(亭姐食朱古力軟雪糕)，跟住我地等……
等等……等等等……等等等等……等等等等等……等等等等等等……等等等等等等等……等等等等等等等等……
中途打左N次電話 俾卓賢 俾保志叔叔屋企 俾今次活動的主角——米高 ……
有D似灰姑娘等王子的意味，唯一唔同的是 今次 有兩個灰姑娘…… 我不是說 米高係王子，我的意思係兩位女角好慘，
終於，用本小姐的手提(之前全部用亭姐的手提) 打通左男主角的手提 (我只係想聽聽留言錄音中那位小姐的聲音)，
男主角 話佢放左學……(之後的對白係亭姐接) 男主角宜家在東涌線，差唔多到青衣……唉……
好彩，男主角總算有情有義，佢掉頭番去某某站等兩位女主角……亭姐情緒都幾低落，而我——只好苦笑……
唉……自怪我地自作主張……還是Michael最慘，無端端俾人鬧(我地一邊番去會合，一邊鬧佢。)嘻嘻，Sorry~ |
