今日過香港, 都係買野啦, 第一站就去咗藍田先, 因為想去下蟲森, 係海山哥哥部psp都玩到寒蟬隻格鬥game啊, 超開心, 本來我地係早咗45分鐘到, 跟住去咗搞咩自助過關, 搞咗我一個鐘, 唉, 之後去到華舅父到, 又係等, 等到佢地返, 去飲茶, 都仲要要等位等上菜, 由一朝早9點就一直等到下午3點先開始行動.
第一站去蟲森, 就係地鐵站旁邊, 超近, 搵咗一陣, 搵到, 比嗰個哥哥講到心郁郁, 想買返隻長戟玩下, 不過, 最後都係忍住冇買(買咗一支壓泥的工具), 接著落黎就一個鐘車, 去咗油麻地, 沿路一見到7仔就發晒癲, 因為, 過咗兩次hk, 我得出一個結論, 好多kitty 搵�H扭蛋都係7仔可以搵到, 去到油麻地, 都係舊路綫, 現時點, 信和, 兆萬, 皆旺, 今次都係要搵寒蟬, 不過就唔係淨係為咗kitty, 因為, 我自己都鍾意咗寒蟬, 不過呢, 寒蟬係香港同澳門都好似唔係太多人鍾意, 所以要搵佢地d 產品真係好難.
跟著去到信和, 見到個好得意�H野, 大家都有玩過有一個盒, 一粒珠, 用手搖, 等粒珠行迷宮�H玩具架啦, 我見嗰個仲勁, 立體, 四個面, 一個正方體, 你放錢入去, 要月粒珠行出迷宮, 先可以攞返d 錢XD, 勁好玩, but 我冇買.......
終於係信和買到mp3, 我同阿爸一人一部, 我嗰部係綠色的(還是對綠色有個情意結)(返到黎發現竟然係冇卡的, 唔怪得之咁平........), 跟住諗住買個朱古力豆耳機, 點知冇綠色, 死都唔買, 跟住買咗個 hello kitty�H首飾, 做手信, 算了, 反正不貴.
行咗信和, 睇唔到有寒蟬, 所以就走咗去兆萬, 因為我知有一間係超多扭蛋的, 去到, 扭咗兩把扇, 見到福祿壽(扭蛋), 立即買咗套, 上次想買, but冇貨, 看到一套小陶瓷碗碟刀叉, 買咗佢, 比老媽, 今次冇黎錯.
跟住就行咗勁大段路, 去咗皆旺, 同let's go 個哥哥傾咗陣, 原來生化戰士就黎唔出, 好傷心啊, star wars 下年又有新野出啦, 期待~~
最後, 當然係去咗極太啦, 得返alex同一個姐姐, 阿文唔知去咗邊, 傾咗超耐, 有講有笑, 教咗我好多野, 比如走菌(將菌杯�H表面周圍的白色弄走, 再用大力去壓實), 選產木(表面乾, 多孔), 逼幼幼咬木(弄小塊, 放每一層泥), 今次買咗美東女(我叫佢阿女), 雲頂兜(公叫小肥, 因為真係好肥好得意架), 印金一組, (alex送了我毛象L1一組比我, 超happy)產木比中仙做咬木, 菌樽(養印金), 木屑底材, 皿木, 一個大缸, 大beetle mat. 之後去咗碼頭食KFC, 10:15分船, 今次, 算係過得最忙�H平安夜啦!!
|
