感人野大道理遲D 補打, 呢篇講下感受先~~
呢幾日, 唔係坐車就係坐車, 落車的時間少之又少, 一坐就以小時為單位, 第一日先坐兩個鐘去食飯, 食完就再坐兩個幾鐘, 去到一個叫馬壩人遺址的地方參觀, 馬壩人遺址係一D 人類早先的生活遺址, 冇記錯好似為比北京猿人進化佐一個層次, 入面最大的景觀有兩個, 1. 馬壩人居住過的山洞, 亦即是人員發現遺址的地方, 由兩座山構成, 叫獅子岩 ; 2. 馬壩人遺址博物館. 個山洞入面又黑又濕, 打佐D 燈, 作為自然派的本人倒是享受這樣的地方多於博物館, 就像是冒險一樣, 就是路危險了一點, 又斜又濕又高, 不過也沒甚麼好怕, 好玩就是了~~
博物館不詳說, 因為我都冇咩點仔細睇, 大致上就係放佐d 動物的頭骨同牙作介紹, 以及一d 原始人的模型+ 介紹.
之後就係返酒店, 分房擺行李, 我同邦邦同房, 之後就去佐食飯........
食飯的時間有交流活動, 同行的東南學校和我校各有代表出場, 東南那個姐姐唱得挺好聽的~~ 我地就係樂氣表演, 水平就..........有待改善^^ 大家明架啦, 當然, 人地派人唱歌, 我地都有, 呢個時候, 當然要派出我地o既王牌, sarah 啦, 獻唱兩首, 正!! 第二首有我地2號車的人做和音, 好玩, 而由於我唔識o個首歌, 我就冇做野, 係到影相~~ 之後諗住返酒店, 石生入黎查房, 查完我同邦就訓佐......
第二日一早起身, 食早餐, 上車坐兩個鐘, 去間學校做交流, 係呢到唔詳盡咁講, 第日補打一篇, 大概流程係: 升旗> 演講> 拔河> 送禮物> 食飯 >走
跟住就去探訪貧窮戶, 都係第日再補打一篇, 呢日好有感觸, 唔係呢到用口語講, 遲d 補打一篇...........
夜晚又有咩交流會, 好似話有樂昌市人民代表之類的高級人士, 今晚有我地o既跆拳道黑條, 帥哥濤表演, 跟住就係樂昌市的學生彈古箏, 跟住佢地有人玩魔術, 我地個大魔師忍唔住, 走佐出去問佢借佐幅牌, 係到表演, 當然有我地一大班人支持啦, 搞到好似挑戰人咁.......==" 算啦, 好睇就得啦, 表演節目仲有東南的英語演講, 樂昌的拉丁舞表演, 最後又係返酒店, 今晚就連比校長石生查房, 都冇咩事~~不過就係唔明點解校長係酒店都戴個太陽眼鏡係頭上面.......
最後一日本來有地方去, 但係好似話訂唔到酒店, 所以轉佐做shopping, 去酒店旁邊的步行街, 一句講晒, 冇野買, 我就買佐d 明顯唔係特產的食物做手信, 之後返佐去酒店下面買小食, 買佐砵仔糕同腸仔, 都算ok, 不過砵仔糕就同我想像中有d 唔同, 買佐好幾隻味, 橙汁, 草莓, 紅豆, 都係澳門的好食~~
之後又係坐車, 坐佐好耐, 去佐一間叫寶馬的食飯, 係到玩食苦瓜遊戲, 由於我的高明手法, 輸到想死, 食佐21 塊苦瓜, 如果唔係鍾意食, 我諗我都冇命返澳門, 之後又係坐車, 返澳門, 韶關之旅完滿結束!!
最後講下總結, 首先係, 去返d 旅行團, 一定要帶話梅, 因為第二日落山o個陣, 差唔多成車死晒, 訓的訓, 暈的暈, 我就冇咩野, 以前行d 咁o既山路, 我就一定嘔死, 唔嘔死都暈到想死, 但係可能呢幾年去得旅行多, 成種車我諗我都係最精神o個個, 話梅同酸糖就救佐好多人~~ 最後就講一句: 我地的生活真係好好好好, 我地有乾淨的洗手間, 有好的食物, 有舒服的居住環境, 有父母疼鍚, 有書讀, 真係要好好咁珍惜眼前的一切!!
|
