舜  の  誌

時間真係話快就覺得快，話慢就覺得慢 ← (廢話)
記得上一篇都好似已經係成3個月前嘅時候打lu
呢3個月都唔知話過得快定慢好

1/9
完全嘅失落
自小一以來第一個1/9係唔洗番學
真係有啲想喊

21/9
所謂嘅迎新日
實在是開學日派通告
前後唔夠45分鐘走得…  =3=

29/9
第一日嘅上課日
第一堂就上人際傳意科
要自我介紹~~~@~~~
跟個Name List輪住講
無奈我姓陳
第一個係我
陳陳陳陳陳陳陳陳陳陳陳陳陳陳陳陳陳陳陳陳陳陳陳陳陳陳陳陳陳陳

Today
已經番咗兩個星期到
但實際上一個星期只係番得嗰4日
真係真係好Hea好Hea
原本選修科都幾有趣嘅
有啲新嘢學下
但點知今日就搵第二個人嚟上理論堂
仲要連上4個鐘！！問你死未！！？
後兩個鐘都好少少講番急救學嘅理論
但前兩粒鐘真係教啲中三學嘅循環系統
真係講佢個肺  =3=

而家日日都要搭港鐵咁濟
仲要係成日故障嘅將軍澳線
上星期就好彩我有Date
如果唔係我就啱啱好去到月台就故障
到時我就可能會等到智障…Xp
So我今日放學都只係同人由北角搭港島線→中環轉荃灣線→油麻地轉官塘線→九龍塘轉東鐵線→大圍轉馬鞍山線→第一城轉巴士or 804→廣源  =3=
精彩……
但我一個人的話就一定唔會咁玩自己……

Tomorrow番0830
瞓了……

算係唔錯啦…！揾到嘢做…
不過一諗起個呀姐就火都嚟！！
條柚真係智障㗎！！！
似住自己老過我…活得比我"狗"…就喺度擺款！
最煩就係錯少少要俾佢話…都算正常n合理啦……
但冇錯又要鬧…真係好想講粗口呀！！！
呢份工…冇前景…只希望做埋個七月…中……
賺d錢洗下……學下忍d煩人咁啦…！
有日我仲記得好清楚…！
我肯定，肯定同埋好肯定我自己係有做到入單嘅呢個step…
但係個大嬸居然話冇單…！！
仲要一日之內出現幾次呢個情況囉……！！
有次仲要話我扔咗張單…又話我唔同佢down聲囉！！
不禁令人聯想到…唔好…萬一佢睇到我個blog
我嘅處景咪好危險！？
都係話「主觀的看」會睇到有"人"扔咗張單再入我數囉…！
呢個人我覺得相當有嫌疑

好殘呀……
俾HKCEE折磨……！~~
仲差English同Bio……
AL就好啦…考完……
不過俾我考完都唔知做d咩好…
雖然未考完哂試…但一諗到放榜睇成績就好驚……！~~
出咗成績又要煩去邊…！！
最好…都唔知點先好…！！！

哈！
相信今日會係我Form 5最型、最High嘅一日啦！！
班際入咗14分…！
雖然霸主屈機入咗33分……
但我都ok啦！！=3=
兩球3分波！！
一球180°轉身接波再起跳轉多180°射波！！ IN！！
奇蹟！！！
一球Second Time Foul Count
雖然球證冇吹…=3=但犯咗規就係犯咗規……

會考！！！！
 

咁耐冇打blog一打番就要講負面嘢lu…
哈！不過係踢波又踢傷咗隻腳…哈！
第四次坐白車啦…有成3/4次都係因為踢波而入廠……=3=
嗰1/4次唔好提啦…！！
嘻嘻…今日會打就梗係有嘢啦…！
今朝一早同霸主落第一城M記食早餐…                                         (唔好問我邊個係霸主…唔知好過知)=3=
食完就好傻仔咁聽佢講搭馬鐵轉東鐵再轉地鐵…
條路線仲要兜到……
首先搭馬鞍山線去大圍→東鐵去九龍塘→官塘線去太子→荃灣線去大窩口
出咗閘…上到地面之後又去咗迷失世界咁款…
兩個傻仔成個鄉下佬咁攞住幅地圖周圍揾路……
最大鑊係揾揾下路兩個都一齊肚痛囉……！
好彩附近有間算係茶餐廳嘅地方問路…
哈！路...一直都在！原來直行就已經係…！！
兩丁肚痛柚衝去泳池個廁所解決……！~.~
我哋之後梗係遲到啦…！
都未行到去運動場門口就已經見到何sir企咗喺度…=3=
好彩冇咩事…冇俾佢鬧...keke
朝早個看台真係曬到爆…！同霸主頂唔順走咗上上面坐…哈！
賽程又編得衰…賽事遲咗成粒鐘…！當然食飯都遲咗！！
我已經早咗一個鐘換衫熱身…仲要有多個鐘喺度坐囉…！
100m…哈…！OK啦！冇趴低…
不過霸主就唔好彩lu食飽飯就跑個400m欄…第二彎度跌低咗………
不過唔太傷……
走又係麻煩…行多咗成3個站先上到車！！
玩死……
一日………散哂…
好多人本紀念冊都未寫……又要畫畫………