今日我終於宣誓成為紅十字會會員,我今日還負責了o者喱這種食物,但d人唔係咁鍾意食。

之後走人,去商場,好在冇除帽,因為竟然見到個主禮嘉賓!

打完保齡球就去mega Box行下,行咗好多層都冇咩興趣,跟住行到去9樓,就有興趣了,有大眾書局,又有個機械人,在9樓見到個叫做cotton candy 的檔仔,見到d糖好似幾好味,好想買,不過咳完冇耐,又食完野冇耐,所以冇買到。

依排打保齡球打到唔停得手,今日我又去打過,打咗3局,第二局我o個幾十分,第三局的第一球竟然一個樽都打唔到,好彩之後幾球打得幾好,仲有個全中XD,但最後都只得95分。今日我打咗兩次全中,其中有一次我前面o個兩個表哥都打咗全中,搞到我好大壓力,好彩我都跟住就打到全中!

前幾日去咗HONG KONG BOWLING CITY 打波, 個$68套餐幾抵,有兩個game,借一對鞋,還有一個lunch set。

我第一球就出師不利, 個波打唔出, 因為隻拇指係個保齡球度出唔到黎! 於是我用絕招─跨下拋(碌)球! 成功中咗9個樽! 之後有一球可以叫做全中, 但我o個球是第一球時一個樽都打唔中,但第二下就十個樽全部打到! 我o個日在第15球道打波。

今日去將軍澳個表哥的屋企,跟住同表哥同埋姑姐姑丈行東港城行下,我地入咗商務睇書,我一入去就搵《倫•球傳》,搵咗好耐都搵唔到,跟住我表哥亂咁指一個書架話有,點知行埋去睇下,真係有呀!好開心呀!