我只係一個好普通既人,我只係想我既屋企食得好,住得舒服,每個屋企人每日返到嚟屋佐企覺得好溫暖又乾淨,同老公每日都互相關心吓傾吓計,個女開開心心,,讀書唔駛要好成績,盡佐力就得,成績係點我無所謂,因為你已盡曬力,但係點解咁都好難做到,每日老公放工返嚟就係顧住佢D機同佢d朋友傾電話同去飲茶,一係就去打牌賭錢,屋企就好似無佢份,我就好似工人咁,個女就淨係識上網玩電腦,同講粗口,乜都唔識做,其實佢係識既,不過呀媽可以做曬就最好不過,呀爸就想幫我做d,但佢實在太求其同污穢,唉........我其實要求唔係好高姐,老公唔駛每日幫我手做家務,只係我攰既時候幫下同關心下,雖然我地結婚好耐,但我都係一個女人,只係想我最愛我既人關心,可能我唔係佢既最愛啦我唔駛要好多錢,夠我地每月既開支,我地一齊返工搵錢做到55歲我都願意,我個女我只係想佢比多d時間落書本同功課到,因為我覺得佢唔係蠢,只係懶,我只係想佢第日唔駛好似我咁出來做野咁辛苦,又想佢可以學多d知識唔駛靠男人自己都可以生活到,有學識就等如有搵錢能力,可能我諗住我辛苦d做曬所有野等佢地舒服d,我辛苦d唔緊要,最緊要大家開心咪得囉,漸漸大家就覺得呢樣野係必然既,可能係我既問題啦