 上個禮拜六係表姐結婚既大日子，我地一家一早去到火炭
大概９：３０分，Ｄ姊妹玩新郎，搞到新郎同埋班兄弟唔知點好（因為Ｄ遊戲好難玩）
然後，新郎仲讀愛的宣言添，讀完之後，Ｄ觀眾拍爛手掌
最後，新郎終於都接到新娘出離啦！
姨媽（新娘個媽咪）仲叫新郎錫淡新娘，真係好ｓｗｅｅｔ架
１２：４５分，我地去左青衣飲茶，然後黃卓琳（我個表姨甥）同我就去郭昭瑩（我表妹）屋企玩，我地都玩得好開心
下午４：３０，我地終於出發去朗豪酒店去飲啦
首先，我地(即黃卓琳，郭昭瑩）去左７樓既新娘房換衫（即花女裙）
然後就上３８樓set頭，化妝
大約７點果陣，我地開始同一對新人影相，果Ｄ工作人員仲即場派番Ｄ相比我地，又真係影得幾靚架！！！  
影完相之後，新娘同新郎在我地帶領之下入場（我同郭昭瑩因為要撒花瓣，所以要企最頭，好驚） 
我同郭昭瑩企最頭，黃卓琳在我地後面，而最cute既花仔同花女（胡子俊同胡芷嫚）在對新人前面
果對新人在佢地父親見證下，簽左張結婚證書，以表示佢地已經成為合法夫妻
９：００終於開席啦
我地都食左好多好野，食到我個肚脹卜卜
１１點幾，我地在朗豪酒店番屋企，真係好開心，但係成個人散曬（好累）
|
