今日，我同我Ｄ friend同埋佢地既爹地，我爹地去左城門水塘行山

大概１１：４０ａ．ｍ，我地開始行山啦

Ｄ山路都幾斜下，行到我地又熱又累（行果陣冇休過息）

好彩沿途都有兩三個有水澗，我地可以洗下手同埋面，Ｄ水好涼架，令我地可以降下溫，冇咁容易中暑

果到有好多昆蟲（例如蝴蝶，蜜蜂，水蛇），嚇到我地走都走唔切

我地行行下，見到有一個好靚既草地，於是就落左去影相，玩

 行左兩粒幾鐘，終於到左終點啦

 我地去左一個可以燒烤既地方，囉曬ｄ架餐（煎ＰＡＮ，煲，冰箱，ＧＡＳ爐）出黎，有得開餐啦

我地要煎午餐肉，都幾好玩既．．

我地除曬鞋（好累），一路玩鋤大Ｄ，一路食野，好嘆呀

大概４：４５ｐ．ｍ，我地就回程番屋企啦

我番到屋企即刻沖涼，因為我成身黏黏的，搞到我好唔舒服

今日真係好開心，但係好累（我隻腳而家仲痛緊），我番到屋企先知原來我比Ｄ蚊咬左幾淡

今日，詩淇，小白露，黃嘉棋，王竣灝，陳成公主，招眨佢地離我屋企

我地１２：３０去食Ｍ記，食完Ｍ記之後，我地就一齊返屋企

點知，我地返屋企途中見到學校既一個老師（係呢到我唔方便講）

佢地全部都掉頭走，我就繼續向前行，果個老師見到我仲叫我「祖宜」添

結果我又要行番轉頭ＭＥＥＴ番佢地

到左我屋企之後，我地開始拍戲（電腦比賽用）

拍完戲，我地去左公園玩捉迷藏，好好玩，但係好累

５點幾果陣，佢地都要走啦

真係好想佢地再離多一次

希望我地升左中學之後繼續保持聯絡啦

今日，我一早起身，因為我要去彩虹道運動場打波

１２點幾個陣，有個哥哥離幫我補中文，佢教得都幾好架

然後，我就返學校上堂（鋼鼓及節奏樂），打左好多歌，Ｍｉｓｓ　Ａｕ話我都打得幾好

之後就去左顏潔瑩（幼稚園同學）屋企參加佢個生日ｐａｒｔｙ

阿靚（顏潔瑩阿媽）整Ｄ野好好味，個個都食到津津有味

我地都玩得好開心，我地玩左美女廚房（好無聊），但係佢地Ｄ配塔好好笑

我地玩到１１點幾先走，真係開心既一日