近日佔中新聞圍繞整個生活...時時刻刻都留意最新的發展...
在FB更看到不同的意見、傳言....看着大家有不同見解、立場.....
突然一個熟悉的畫面在小妹的腦海中出現.....
有一日，老師入到課室，突然宣佈全班罰抄五次...仲要第二天交.....
同學的反應是........
學生A︰"點解要罰抄?罰抄無理!!!不要罰抄!!!"-----他們會用盡所有方法向老師抗議、質詢、扭計....甚至反枱...
學生B︰"我抄，老師為我好"----乖乖地抄完可能有得獎!!!
學生C、D、E︰幾個人自成一角，你眼望我眼，敢怒不敢言，竊竊私語話︰":老師都唔啱，無端端罰人抄!!""我唔認同佢做法架""算喇，有得唔抄咩?佢係老師，反咩抗?"
學生A繼續係在課室發爛話唔抄，老師將學生A調至課室後面由佢嘈...
學生B︰老師，學生A咁嘈，罰佢抄多五次喇!!阻住我地上堂呀!
學生C、D、E私下對學生A︰你唔好再嘈呀!一陣累我地又俾老師罰抄多幾次，你係咪要搞到大家今晚冇得訓先甘心?你咁自私架!!
學生A繼續抗議，老師面無表情看着學生......
結局如何?
我也不知道，因為不同老師處理會有不同的結局....
但個人比較CONCERN的是...老師看到這班人的反應時，會有何感受?你會選擇做哪一種學生?
以上類似的情境，我們很多人都曾經歷過，只是不同情境時，每次都會選做不同的學生.....
若我選，三種學生中，小妹最討厭第三種學生，因為佢地心態係輸打嬴要，最自私....
人家成功爭取時，佢地順理成章接埋人家的成果，有時更完全忘了自己當初點不屑人家的....
人家失敗時，就一副"早預了"的死相，嘲笑人家沒有用.....
很討厭!!!!!!!
無奈三種人中，最多的就是第三種.....
香港...有得救嗎?
|
