今日放學/工返屋企, 經過信箱, 見到有封好得意既信 可惜我冇帶KEY, 只可以返屋企攞KEY再落樓下攞信
原來係我妹妹寄比我既名信片, 好得意架, 係一份用木造既日曆 兩邊仲有各種吉祥語句, 事事順曆 有圖有真相
諗返起黎, 雖然2014黎左都唔夠一個星期, 但係好似各種好運都有跟住我咁 首先, 我呢排夜左返屋企, 屋企人好似都會理解咁, 冇再好大反應話我; 做實驗戈陣遇到問題, 我都可以冷靜咁解決, 攞到想要既RESULT; 就連打機首抽同二抽都係金蛋 XD (我朋友都係廢蛋ONLY)
加上, 2014我真係感受到身邊有好多愛我既人 呢一刻我好知足, 好滿足亦好幸福... 我希望呢份幸福可以長久下去, 細水長流!
我好耐冇寫過博客, 曾經試過有咩都會寫一餐, 大至政府換屆, 小至到去自己生左粒瘡, 咩都寫!
之前因為朋友既關係, 開左個QOOZA先睇到佢個博客 (極度懷疑佢係博客中介) 咁冇計啦, 唯有開返個ACC 今日係2014年1月1日, 一年之計在於春! 呢一日點都係特別架喇 因為咁所以先會自己開個BLOG寫野
終於到正題, 人愈大, 就愈覺得平淡是福! 我好似已經唔想再响風高浪急既浪尖上面玩雜耍, 而係想擁有平凡既幸福! 可能有人會話我咁既年紀已經咁諗好冇志氣, 但係我冇話過會放棄理想, 我只係想平凡咁去追求自己幸福, 唔再想有過多既大起大落!
老喇, 經唔起咁多刺激! 我而加心裏面只有幾個平凡既願望, 就係:)
