| «‹ May 2026 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2014 年 3 月 21 日 星期五  |
開心  |
分類: 未分類 |
今日有個朋友同我講, 你好耐冇寫BLOG喇, 我先至發現自己真係好耐冇上黎.
我成日唔係忙緊, 就係打緊機, 有幾次都想上QOOZA, 但係又比其他野分左心.
講真, 我呢一刻既心情真係好複雜. 我好唔開心.
我冇辦法講點解我會唔開心, 但我好清楚自己唔開心既根緣.
因為我個心已經開左!
因為我個心已經打開左, 所以先會心傷!
我一直都自己一個去做研究, 即使想搵人幫, 都未必有, 或者未必幫到!
我自己能力又唔夠. 每當我覺得自己唔夠強戈時, 我就會唔開心.
我自問唔夠人勁, 唔夠人叻, 轉數又慢, 經常都會搞到自己唔開心.
我個心好早已經死左... 我唔想自己個心再會打開...
|
2014 年 2 月 9 日 星期日  |
| 星星 |
分類: 未分類 |
我相信好多人都會試過望住星星, 然後羡慕佢既光芒
但當中又有幾多個會明白星星既辛苦, 默默為佢打氣?
每個人都有屬於自己既路, 箇中的辛酸又可以講比邊個知?
每次當我見到有人走得比我更前, 我都會同自己講:
佢能夠走到呢步, 一定跌過好多次
講返星星, 其實所謂見到既光芒可能响幾千光年之外,
用左幾千前既時間, 先可以响夜空得一席位
當一個人慢慢有經歷, 就會有所明白, 有所領悟...
【不要羡慕星星, 因為他們要不斷燃燒自己】 |
2014 年 2 月 5 日 星期三  |
| MISS夏娃 |
分類: 未分類 |
從前有一位MR亞當, 佢自己一個人生活响伊甸園, 日日都超級無聊...
上帝見佢一個人咁寂寞, 就攞左佢其中一舊肋骨, 變左MISS夏娃.
自此之後MR亞當&MISS夏娃形影不離...
可惜好景不常, 可惡既魔鬼引誘佢地食禁果, 犯下原罪,
上帝心痛佢地冇辦法信守承諾, 唯有趕佢地離開伊甸園.
大概係離開伊甸園之後MR亞當同MISS夏娃失散左,
令到每一位亞當呢一生都要不斷努力尋找自己既夏娃.
有啲亞當搵一世都未搵到;
有啲亞當以為自己搵到, 點知其實搵唔啱;
有啲亞當尋尋覓覓, 先知原來自己既夏娃一早就响眼前.
人生匆匆, 到底MR亞當最後搵唔搵到MISS夏娃, 我真係唔清楚.
我只係覺得有時夏娃好似好虛幻咁, 好似花盡時間都未必搵到, 什至會令人開始懷疑佢係咪真係存在.
【MISS夏娃, 你真的存在嗎? 見字請回.】 |
| 2014 年 1 月 19 日 星期日 |
回憶的盒子  |
分類: 未分類 |
作為年廿八既前奏, 仲尼我今日已經開始收拾成年都係咁亂既房間.
每次執野戈陣最享受既就係可以再次翻開回憶, 呢張紙, 呢件禮物... 每樣野都係一個MEMORY
而我自己有個怪癖, 就係好鐘意將重要既野放入"回憶盒"裏面
相信大家都有試過, 明明有樣野好重要, 但係搵極都搵唔返
將所有野都放入個盒裏面, 就可以得閒戈時想下當年, 懷"免"一翻
之不過, 重要既往往唔係件物件, 而係我地所經歷過既每件事, 每種感覺
今晚我就同小夥伴一齊笑左晚, 算係為近日既煩事加入甜味...
|
| 2014 年 1 月 11 日 星期六 |
特別的愛, 給特別的她  |
分類: 未分類 |
最近發生左D事, 令我發現身邊有對我有好感既異性,
而且對方已經看似去到不吐不快既程度, 實是困擾.
其實當時我一直好怕佢真係講出黎, 我什至希望自己係太過敏感.
一旦揭開底牌就冇得返轉頭, 我更加唔識點去收拾. 
好彩暫時都仲未爆煲, 但大家見到面已經會尷尬
我朋友曾經話過我太博愛, 睇黎我真係要好好檢討下自己對人既態度, 避免自己再跌入呢個旋渦... |
|
