最近發生左好多好多既野~終於比我領悟到一個道理~~
原來呢個世界上無人係信得過~~所以我決定唔會再信任何人
呢個對我黎講係最好既決定!!無論如何,我只係想安安樂樂過埋呢幾年,
讀埋中五,考埋會考.大家就會見我唔到了~係唔係好開心呢??^^
今年,我無數咁多既希望,但同時又有無數咁多既失望.不過,努力面前,向住標竿直跑~
我唔會再理之前發生咩事,都唔會再理你地~~總之,你地鐘意點就點啦~~唔洗介意我
今年好多野都好失望,所以我而家好希望可以足球可以為我帶黎開心,最後一年學界,
我一定會拼老命,不理成敗得失,都算曾經努力過~有好多野,好多事,可能我都唔知,不過,
我總有我既方法去做到!!!
今日去左大帽山旅行,風景真係好靚,好舒服~~不過過幾年都睇唔到了~~到時睇到既可能
係雪,又可能係冰^^諗起都開心~今日總段為最近既事打一個句號結尾~~~
我以後會選擇性聽電話,總之我有聽既,就當你係老死兄弟,唔聽既就唔好理我啦~~
我聽你電話既,就當你唔好采,仲要同我做多兩年兄弟,唔聽既,你好采啦,少理我呢一個廢人,
而我唔聽既,我諗你都知咩事嫁啦~總之,有我無我,大家都係咁過,無所謂~~~
 
 

唉!!最近真係發生左好多野~~搞到我成個人都好唔開心.....我發覺原來我既生命
係如此細微,係不比重視!
中三既時侯,上堂嘈生哂,基本上係番學等放學,完全無諗過認真去讀書,好好彩地,
無意外地捱過中三,成績雖只有5x名~~但都算不錯吧!升到上黎中四,發覺功課少左
壓力多左,課堂少左,個人累左....而家真係名副其實既番學等放學,不過每當星期
三我都會精神地上哂八堂= =因為放學有得踢波,此時我諗過,踢波係我人生目標?
踢波係我最重要既野?呢d種種既問題都好難有答案......
中三既時侯一點都唔鐘意上中文堂,但到而家中四,我發現只有中文同埋化學堂我想
去上.唉!!都唔明點解會搞成咁,好多野都好亂,完全好難明白.真係唔想再讀...
但係今日比中文科老師照醒哂....呢個時侯我先發現讀書既重要,而我都決定左踢埋學
界就收皮......希望努力面對會考....哈哈~~太有大志了^^
呢埋心情都好差,不過當我踢完波心情都會超級好....個日同人去旺角聽人搞d
粗口gag~~笑爆....又撞到勁多人...又係撞鬼......總之一切都隨遇而安啦!
所以野都不怕了^^因為我已經成長了不少

先講d開心既野吧!!
今日朝早,我收到個超好既消息,令我早上既心情十分之好^^
頭兩堂物理,細鄭教得都唔錯,最少好過康仔..不過佢講書,成班四十幾個人,
聽書既不出十個...但係我好努力咁聽書,因為我要學番好f.3既野.
不過,聽左咁耐,都係唔明佢講咩,不過我唔知點解都會好開心==可能我真係傻佬吧~.~
到左第三、四堂電腦堂,完全聽唔明花生面講咩,個死樊sir又成人恐人....搞到成堂冇心情..
開始埋下唔開心既引爆線(我都唔想)但係以我咁聰明的資質,自己睇書都明哂..o哂咀.
好在今堂同冼嘉玲同beta再冇玩錢,不過我地三個都係狂玩- -到左差唔多落堂,佢叫我地
打哂書個PPT落去...我心諗:打字唔係文書先學咩...我地電腦做咩學埋d咁既野= =又開始唔開心.
到左數學堂,今堂要測驗,原來有40分鐘的...但比阿sir屈到得番30分鐘= =我一路做啊做= =
有兩條唔識- -可恥....再次唔開心>.<
到左食飯個陣,又係同佢地一齊去食,大家坐埋一齊食飯,吹下水,影下寫真,好enjoy......
所以就算日日食同一樣野,又唔會悶,因為有"野"送飯嗎~~~~
此時此刻,我既心情開始好番dd....
番到去,又係數學堂,不過今次佢教d野好淺,劉xx出左去做數,唔識就比全班笑到面黃= =哈哈
又開開心心咁過埋...到左週會,個警長黎左推廣,但係我掛住同曾海寧同狗權吹水= =無聽到...
話咁快就放學啦!!不過未走得住,要留堂見下師哥羅一面,經過三次既重默,終於搞掂.....
問題原來唔係出係我到,係佢改錯左我= =不過佢比左好多貼士我,人冇我有,有人話佢偏心..
哈哈~~鬼叫佢鍚我咩~~
放學仲開心,一路行一路食糖,真係愈食愈開心= =詳情就唔講太多~~

當得番我自己一個個陣,我邊行番屋企邊諗,唉~聽日就要搬屋了,我的生活會唔會有改變~~
會唔會再見唔到朋友仔,會唔會再見唔到的士佬?會唔會再同唔同班戰友踢波?所有問題
浮哂出腦.就連平時美孚玩開個班fd,一個二個都好唔捨得我,當然我都唔捨得佢地.....
可能係就快要分別,下個星期三對華仁既告別賽我特別重視,我日日都去球場跑步,番屋企經過跑,
11點幾落去再跑,不停咁跑啊跑,把唔開心既野跟埋d汗同我say goodbye~~當然,我緊係唔想同我
既朋友仔say goodbye~不過事實放左眼前,不走不行~~
我有野想同我班朋友仔講:
我地由細玩到大,大家因為踢波而係埋一齊玩,自己組織一隊波,踢過無數咁多既比實,嬴左唔少既比賽,
嬴左唔少觀眾既掌聲,大家一齊踢波既日子我係唔係忘記嫁.
我最想多謝既係我既足球教練-----冼sir~由我小五到而家,跟佢踢波都差唔到9年,佢真係當我係佢親人咁,
好錫我,睇住我,當我踢到發脾氣既時侯,佢會鼓勵我,教我一個成功既球員一定唔可以發脾氣~結果我而家脾
氣先好d,如果係之前既我,一比人踢到少少就會搵機會報復,所以我踢芧又得,禮貌既都得..唔好惹我,否則你
會係球場上死得好難睇~~我同d朋友仔係球場經歷過唔少野~見人打架,發脾氣,圍打都見過,連玩到爆頭流血
都唔少= =但係,地上既血印就證明了我地一齊進步同努力既成果~~多謝你地^^希望有機會再可以一齊踢波~~
至於你~~我緊係唔想你搬得太遠啦~~希望你get到吧~~^^
美孚再見了,荔枝角再見了,我既朋友仔再見了~~~但願有一日,我地可以再一齊踢波~~~求上帝保佑!!

今日番學~竟然坐係地鐵站都做功課,好百痴~~
發覺自己原來無非為左自己開心已做一點傻事~~做左名傻佬
呆下呆下咁~終於番到學校==~無奈既下原來已經7點55分~~
但我一點都不驚訝~倒感到好開心~見到一班4D既朋友仔,開始玩
得熟~~但係我覺得我仍然係孤獨的一個~~
小學既我...孤獨無比~~但係自從我接觸左踢波之後,我識到好多朋友
雖然唔知佢地係唔係真心,但我係個陣先真正認識朋友既定義.
但係,小五學期尾就比個好朋友番了面...第一次比拋下= =
我不知第二次既來臨,可能已經逐漸地迫近~但係呢d事唔係由我決定.
最近我成個人變哂,連我自己都唔知點解..我脾氣差左,心情差左,快樂既時間
都冇以前咁多= =連朋友都一個一個咁唔理我~~咁又係既,大家有大家既小圈子,
到現家我先發覺原來我係一件垃圾.無心憐憫,無人愛護,無人關心.最近連一個好朋友,
我搵佢好多次,佢都已經好似唔想再覆我~~令我感到比人拋棄既感覺>.<
最近家庭又出了一些問題,我要搬走,眾所就知,但係無人知我要搬既原因,亦從來冇人過問~
只係識得問:你會唔會離校?會唔會唔踢校隊?校隊無左你唔得嫁..等等無聊既問題...
但一句關心同問侯都冇出現過.
最近睇左一套電影,內容係講女主角既媽媽臨死前買左隻狗比女主角,仲希望狗仔可以代替到
佢個地位,仲叫女主角同隻狗仔定下十個約定:
約定一：我大概能活10到15年，無論何種形式的分離，對我來說都會很痛苦，在你買下我之前請考慮。
約定二：請給我一些時間，讓我明白你想要我做什麼。
約定三：你對我的信任，就是我最大的幸福。
約定四：請不要對我生氣太久，也不要把我銷起來作懲罰。你有你的工作、娛樂，還有朋友，但我只有你。
約定五：請不時跟我說話，哪怕我聽不懂你在說什麼，但我知道是你的聲音。
約定六：若你細心待我，我是永遠不會忘記的。
約定七：當你打我的時候，請記住我的牙可以輕易咬碎你的手骨，但我很不情願這樣做。
約定八：我老了以後也請好好照顧我，因為你也會變老的。
約定九：你想責罵我不合作、固執或懶惰，請你想想是否有什麼正困擾著我，或許我沒獲得想要的食物、很久沒在溫暖的陽光下奔跑，或者我心臟已經太弱
約定十：當我要捱過生老病死最辛苦的歷程時，請千萬不要說：「我不忍心看，我不想在場」只要有你和我在一起，所有的事都會變得容易接受。
 呢十個約定好有意義,但試問主角又做到幾多呢???
不停咁把小狗拋棄,又接回,又拋棄.......突然我好同情隻狗仔,因為我既境況同佢真係好似好似.
最後死個陣~~我個到係隻狗仔最開心既時間,因為佢死前有自己最鐘意既人陪住~~
由呢套電影睇得出~~原來約定對某d人黎講係好重要;但對某d人黎講,只係空頭支票....
我自問我係個種好重視既人,因為我覺得,既然承諾得別人,就有責任做好你既承諾.......
但係我一次又一次咁比人呃左= =(我係唔係真係好好呃?定係我真係太笨?)

雖然我從開學到而家都從未試過真真正正咁算過= =但係大家都冇發覺~~
因為我唔想我身邊既人唔開心(當然包括你啦----傻婆)
但係無奈既係,原來人唔開心係唔會同人講,大家都唔想令朋友唔開心....
但係朋友就係用黎傾心事,無論好定壞,真心既朋友永遠都會陪住你.
除非你唔當佢係朋友,否則你最好一清二楚地答哂佢,如果你唔問佢,只會令
佢為左你唔肯講出黎而繼續唔開心~~(明在講你,請不要介意)

岩岩又同阿媽吵了一番,令到我而家好唔開心,真係好唔開心啊~~
咁多件唔開心既事,終於令我喊了= =希望快要踢學界~~學界先會令我開心,
當然少不了的還有你.

贈各男仔一句哄女仔既說話:
沒有了腳,再踢不到足球;
沒有了手,再不能拖緊你的手;
沒有了眼睛,再看不到你迷人的咀臉;
沒有了你的愛,再沒有生存的目標
(冇寸人既成份)