琴晚唔知做咩...
突然拎起中文既PASTPAPER係到做
唔經唔覺做左三四粒鐘
仲比父母讚乖- -
我都唔知點解,突然好想溫書..
於是又拎起本生物書睇XD
睇到點幾先訓..好正!!讀書真係一件樂事
訓覺前,又聽我阿媽講我爺爺既故事
原來我爺爺好偉大,辛辛苦苦儲埋既錢拎哂番大陸借比人
而家大陸既班人個個都做得成生意,就回饋我地...
每次番到去都比熱情招待..飽參翅肚任拎..真係唔好意思-3-
雖然我對爺爺冇咩影像,加上佢係我細細個個陣升天,
但係從大家既口中描述,我爺爺就算工作辛苦,每日都會抱我去公園玩~~
由此,我可以斷定..我爺爺一定好鍚我,爺爺!!我好想見到你呀!!!!!

今日番學校補生物,不旦冇訓覺,仲"幾"番心添^^
所以都好易入腦~
屈指一算,會考仲有三個多月,要努力了!!!

加油加油!!!!以大專為目標

從今天起....我而家禁毒~
仲要種讀..的起心肝讀書^^
仲要苦練足球...唔想衰比人睇!!!
難得而家有人睇得起我...我要發力!!
係球場上唔可以再懶懶閒...

加油加油!!!!甘地係最醒

今日去左"做冬"
由青衣走到去筲基灣食
去到坐哂係到..冇咩特別傾計,好悶- -
對比起同我婆婆"做冬"個陣...十幾個人有講有笑
又有小朋友,熱鬧多~~
最近,得知一個秘密了,很遺憾....
我沒法幫助她們~俗語說得對:
清官難審家庭事
唯有精神上支持她們吧!^^
希望她會搬黎吧~~~

會考將近....真的要努力吧~
最近學會了烹任..煮幾味小菜也見得人~
唔係既話...咁大個人唔識煮野食會好糗!!!

首先!我要打低生物~

今日...終於考完最後一科要溫既科目~
不過我溫都冇溫過...
總括黎講呢個考試係失敗既...
完全冇溫過書...
搞到數學大退步:70/100(屎上第二差)
化學MC:33/50(比人屈到-3-)
其他科都應該會死...
搵定人家長日同我收屍

今日又去左打機,正"毒"男
成個考試日日放學去24h打機~咩料?
多得一班損友!!搞到一個星期唔見左50蚊啦
不過今日超多人,好正^^
心散了,如何是好??

今日考物理....
唔記得哂琴日溫左既野...
應該都難逃一死~
放學去左問分,唉!!
打機換黎既後果- -
化學MC:33/50
數學:69.6~70/100
冇心情唔打啦....
最近馬仔係FB開左個群組---梅連足球會
雖然好無聊,但入面充斥住我地過去三年,
一齊踢波既經歷,團結既精神....
認識左你地..係我最大既福氣!!
希望呢一段純真無遐既友誼永遠長存~~
聖誕節要開始發力啦~我會好好咁溫書,有興趣者可以一齊!
但係打擾到我...會面斥不雅!!