今日...

女:    你知唔知鍾意一個人o既感覺... 係點o架？

男：知... 見唔到佢個心會囉囉亂，見到佢個心又會卜卜跳，
　　　同佢傾計明明開大冷氣都會成頭大汗，想開口約佢去街，
　　　但係講完hello... 又唔識講落去喇...

女：愛一個人，你會將所有最好o既o野都留返比佢...
　　　　你睇每一本好好睇o既小說，你會專登買多一本，
　　　　等佢悶o既時候「羅」比佢睇...
　　　　你食過一件好好味o既cheesecake，你會記住o個份味道，
　　　　o係佢得閒o既時候，整比佢食...
　　　　你睇緊一部好好睇o既電影，明明睇到一半，
　　　　你都會離開戲院，因為你想佢陪自己再入場睇埋o個段戲...

男：咁做你男朋友都幾幸福丫，但係講o左咁耐都未見佢o黎接你o既？

女：我同佢分o左手半年喇...

男：曾經有一個女仔，佢教我鍾意一個人應該係點，
　　　佢話... 你越去愛一個人，越會好快咁無o左自己...
　　　佢仲話自己唔會再鍾意人，因為佢唔想再每段感情既結局 都係一無所有...
　　　但係，我好有信心咁話比佢聽，
　　　你下一段感情o既結局，一定會好幸福、好快樂
　　　佢聽完，好唔相信咁望住我，問我點解
　　　我鼓起勇氣同佢講，因為... 我鍾意o左你...

這是一首歌的讀白....

可能係你的一個小故事...

但......我真的想跟大家分享............希望你地鐘意..