尋日人生第二次唱k,一個月入面既第二次我都有d唔相信...
今次除左黎仲,仲有冰冰,咁岩尋日佢唔駛番...本來話去赤柱既
哈,今次唱k冇上次咁凍lu,有冰係度佢教黎仲教冷氣...
呢個冰真係犀利唱過十幾廿次,唔通k房可以當度假既?...
96號房好大呀...舒服到想訓教
仲有部電腦...個時我係度諗,部野都冇人用既啦,一日都黑咁開都係浪費錢同電= =''...而且好外眼!!
真係好唔明個老闆係好意定想感覺豪華d?!
蘇打d歌只係同黎仲唱左"這天"一首咁多...不過都好開心!!
而同冰唱左幾首對唱,黎仲都有d
唱twin d歌冰不斷大叫好聽........攪到我好尷尬,唔想唱
佢唱衛蘭d歌發現佢唱高音時得好似Janice
或者我同黎要學下佢點唱大聲...講真我又唔係好細聲
都話出去唱唔好聽啦我= =...都冇感情既算唱咩?!哈...
三個女人一個墟鐘意點就點幾好呢
黎仲,我,冰,冇感情事既女人,冇是非要講既女人,著衫簡單隨便既女人依家對生活冇咩要求其實都幾幸福
依家既我,已經完全將感情放係第二位,冇咩情感再值得我相信
係又好唔係又好...由佢吧
哈,我一向都男人頭既,咁做番有咩所謂,係冇?
我愛研究美容只係對於自己既要求,絕對唔係做俾男人睇
因為世界實在太多負心漢...我怕啦
第日搬家之後有"小皚"陪我幾好呢!!
嘿,"這天"呢段歌詞我好喜歡
:被你刺滿的雙手 此刻擦乾你眼淚
生命從來不覺得自己對誰該負責任
我們看了編造的謊言就如此輕易
將彼此劃成碎片
太多虛偽情節的表面模糊陌生的眼
請讓我在你身邊 一起穿越這條街
請讓我在你身邊 一起紀念這一天
總有一天我們都死去
丟掉名字的回憶再沒有意義
總有一天我們都忘記
曾為了一個越演越爛的故事傷心
總有一天我們都嘆息
笑著緬懷有過的愚蠢的美麗
唱完埋單...今次竟然唱多半個幾鐘
三個男人頭既女人行去黃大仙...發現黃大仙九成店舖都冇做,就連個間書局都冇左...
我可以肯定"領*"租金加左好多...可憐既小生意敵不過可惡既大公司!!哼!
諗諗下,香港係一個服務性行業多既地方,其實都係可以俾冇咩經驗既後生仔做既工的確愈來愈少
我地三女本應係文科生走左去讀理科...後悔係咪太遲
讀咩科坦白唔關工作事,係你學歷問題
自問英語唔得,普通話仲可以...但大部份公司都係請樣樣皆精既人
人比人氣死人...偏偏只要你低d佢d要求又冇工做
做女人就話冇咁驚,可以做師奶(P.S.咁男人呢....哈)...但依家咩時代?!女人分分鐘冇人要機會率超高
更何況,十個男人八,九個壞...
唉,究竟做女人好唔好...好麻煩...
干物女?唔想做,太頹廢啦,又做唔到一世...冇野做可以點?!...唔可以一世要家人養,除非你面皮好厚
烈女?哈...歌詞溶入現實?...
學生妹?做得幾耐?遲早咪出黎?...最多只可"終身學習"
亞太?...有咩條件?...有人要咩?...你識d咩?煮飯,家務,主婦手,肥肚腩,是非....哈
當然仲有好多...但...頭三位...唔想做多
女強人...唉...
呼,又離題...沉悶既生活令人成日諗將來既路應該點行...
最後幾經辛苦搵到M記位置,食左杯唔好食既綠茶紅豆新地就各自各番屋企
我去左何李行...一個人行街的確好少
冇管束,鐘意睇咩,行邊度都係自己鐘意
只係悶左小小,同埋d情侶不斷係我身邊走黎走去
冰成日同我講:其實你都幾正常呀
唔知呢...最近d細路轉左口味...大都係講,呢個姐姐係大人黎?唔解佢會咁既
證明我已經某方面俾人覺得成熟左...但我又唔知咩,個樣?個身材?what up?
哈...仲有幾個月廿十歲lu...我唔認老都唔得啦
由於,仲未決定去唔去謝師宴,隨意睇左d衫...
花既"群"我唔鐘意,試左一件..好露肉= =''...但條"群"要$499冇折扣！
對一個中五生黎講,好貴唷！
(之前某某成日同講,四五百幾蚊隻錶,好便之麻...對唔著,我冇你咁有錢,我覺得好貴...)
條"群"要$499...然而貪佢冇咁容易同人撞,冇咩花巧,質地好..唉,又係一分錢一分貸...
有一晚同媽發牢騷,問佢點解謝師宴唔可著T shirt個d,佢話都唔知我地
話明謝師宴嘛,都係為左同老師食番一餐多謝佢地咁多年勞苦功高教我地班學生,
依家d 謝師宴偏偏變成冇四五百去唔到,著T shirt牛仔會俾人覺得標其立異既...
話就話係宴...買"群"買鞋都用左人唔少錢...唔好意思要父母俾,但又冇工作,為有第日出黎做野俾多d家用...
係度容許我講聲,我想著T shirt牛仔謝師宴.....哈,發夢就得!!
係播,希望錢錢到時有份去!!仲有張張
今日同父母去左新**飲茶...點左六,七碟點心
依家既我成日好似細路痴著亞爸亞媽...
因我怕第日冇咩機會...
家,始終係最好
(P.S. MSN泡泡終於達到目標lu!! YOooYooooo!!!)
6月12！大日子！
 
|
