今日同Joey行街,旺角同九龍灣
始終,我比較喜歡莉同仲誼行街
(亞冰,對唔住,我爽約了...)

終於買左裙lu,一件for 謝師宴,一件for"712"日子,加一件外套
其實,我還是喜歡男仔頭既我多d,著裙好唔舒服感...
依家,每當行旺角我都特別會好暈,好暈-,-
冇咩必要你地真係唔好叫我行旺角!!

行完之後一齊去左九龍灣,食吉野家牛肉飯不斷吹水><
後來行行下,我地兩個都好唔舒服個肚...我諗係杯奶茶作怪=^="
仲誼想嘔,我睇到就不斷d野天旋地轉
係麥記休息左一陣,打算夜晚食"海王"粥好了
點知仲誼媽媽岩岩放工,三人一齊塔車去佢屋企樓下敘園食晚飯
仲誼同我講同媽既關係差左,但眼見佢地有傾有講親親暱暱,都唔係幾覺既=.=

食飯時,伯母唔多唔少同我地傾傾將來事
由國家,政治事件同工作大家都講左一大餐
講起"2012事件",伯母仲好似講到似層層= =
:咁計落我地咪得番四年命?!!--->x3
:呢四年你地真係有咩就做咩---->x2
(真係笑死我...)

講開將來,討論做咩好,伯母好唔客氣覺得仲誼同我做美容,會計好,認為有前途
否定左自己個女既興趣,環保=___="
亦認為最好係做中小學教師.......
之後我唔小心提及"筆"學業禮,伯母二話不說就話一定會去...
哈,我始終明誼既難處啦=v=''------>(見到仲誼不願樣子,成個女仔曬,笑死^.^)
不過,做父母既都係為左仔女好咁簡易
而且,工作與將來唔係我地諗既咁易...