我唔係頭痛, 我唔會叫你幫我整野食
我放工頭痛, 唔舒服, 你唔關心我都算
仲要加多句"係咪真係咁攰呀!?"
SORRY, 我真係咁攰
我巳經發緊夢不過比你嚇醒
就連阿勝都睇得出我唔舒服會問候下
你連關心都無一句

本身我係諗住今晚整蕃茄肉醬意粉比你食
材料係度豬肉都醃好埋
只係我頭痛一直都無停過
我先唔整, 想你煮個麵黎食
你應完, 繼續玩電腦
我再講, 你應完就走左去沖涼
我係咁同自己講
我都開到聲又唔舒服
你應該沖完涼就會煮嫁啦
不過你凡事總係會以自己行先
你一番到黎就要玩電腦, 玩完電腦就要沖涼
沖完涼就要打機
我知你好忙, 連煮麵個幾分鐘都無
我都唔明自己點解lee幾日要用咁多時間同心機去整宵夜你食
我唔係你傭人
我亦唔係食飽飯無野做
你又幾何會係我角度替我諗下
四週年左一句是但右一句是但
假我要自己拎, 節目要我自己諗
我唔係自己一個過嫁
係我同d同事面前
你又話lee個女仔得唔得呀, 胸前夠唔夠偉大呀
大佬, 我係你女朋友黎嫁
你係咪想我即刻搵個洞鑽
人地會點睇我, 我除左附和下仲可以點
你又有無幫我諗過