呢幾日真係好唔開心,因為一D事......

一樣係因為果個人,而另一樣係因為自己

同果個人既事應該會打係另一篇,因為想獨立佢D野黎講,呢篇想打返自己D野

究竟做一個咩都無既好人好,定係做一個可以擁有好多野既壞人好......

呢個問題我問過好多人,亦問過自己...

好多人都比我既答案係叫我繼續做一個好人,剩係得一個朋友叫我做自己想做既事 (果個朋友係邊個唔打啦,因為呢到有人識佢,廢事開佢名)

咁多年黎,唔知係咪因為屋企係咁教既關係,我一直都想做一個好人.......咁講好似唔係好岩,我應該係想做一個對人好既人先岩

唔知係咪因為我諗野仲好細路,一直都係想對人好,人地亦對返你好咁...

唔想去呃人,唔想為左利益去傷害身邊既人,唔想...

但唔知點解由09年開始,我開始唔係咁諗...

可能係人唔應該放咁長既假,唔係就會亂諗野既關係

我開始覺得我做咁多野,到頭黎好似咩都得唔到,我唔係話想要D咩,

但對一個人好,果個人唔會多謝你不特止,仲係到...

我真係接受唔到呢D咁既結果,可能其實係因為我其實唔算係一個好人掛

仲希望人地會係你對佢好之後對返你好...至少會真係感謝你

但事實比我既並唔係咁,對人好只係換黎一次又一次唔開心既經歷...

我開始覺得對人好呢件事令我覺得好累,唔想再繼續咁做落去...

好想不如去為左利益而咩都去做,至少起碼我會得到我想要既野.......

我知道其實我只要將D事交比果種性格既我去處理既話,我其實可以輕鬆好多,起碼唔會好似而家咁辛苦先

但我知道如果交左一次比佢既話,我就唔會想返轉頭,我就唔會再顧後果,唔會再去顧身邊既人...

我真係唔想咁樣,起碼而家既我唔想咁樣...

堅持又堅持唔到,放棄又放棄唔到,我真係覺得好辛苦......

一直既笑容都其實只係唔想令人擔心,唔想比人知道我係咁,但開始好似扮唔到落去,扮唔到果個好似無煩惱既我...

其實我一直都好妒忌可以想做就去做既人,無論係堅持,定係放棄自己

雖然有人覺得呢D人好傻,但我覺得佢地起碼可以做返自己,而我而家唔得...

一向我都覺得自己係屋企入邊最易會走歪果個,可能係因為我自己唔鐘意講咩道德倫理果D,剩係想做自己鐘意既野

唔知我仲可以行呢條所謂既正路(唔知算唔算,不過起碼無咩行差踏錯)行多幾耐,可能係十年,二十年...但又可能只係可能你過埋今晚就決定去放棄...

不過無論係點,我都好多謝一直支持我,叫我繼續行落去既人,

多謝鼠鼠好似喊住口咁支持我,話我係佢變乖左既禮物,叫我唔可以變壞壞  (點解我係一件禮物黎,明明我就係哥哥喎)

亦都多謝琪同我講要繼續要做一個好人,唔係唔嫁比我喎XD (你真係無人要先算啦,我就唔信你到29歲都無人要啦,我九成永遠都係你丫哥黎囉XD)

新既一年,好想變得堅強D,起碼唔會好似而家咁,雖然昨日先有個朋友同我講完每個人都有軟弱既時候,但我真係唔想再係咁,好想有個了斷...