好開心,今日終於都可以調位啦!因為之前老師都唔知點解,調黎調去都係係o個兩行裡面既四個位,所以我真係好想可以試下坐其他位.
李老師係中文堂先調,我睇住d人坐,我就好耐都未坐(人b:呢d都係誇張既手法.)o個陣真係好驚,我驚又係坐番o個兩行...坐下坐下,中間o個d剩番四個位,其他既就係我之前坐o個兩行.老師終於都無令我失望,調左我去中間尾二o個個位,但係...最不幸既事要發生啦~~我隔離o個個居然係o個條仆街(即係王建鋮)唉.....佢點解會又坐我隔離嫁?天啊,你點解要咁對我?唔通連個天都唔鍾意我?(抄廣告中...)
我都唔知老師佢點搞嫁!坐過一次就應該唔會一齊坐第二次嫁!但係佢偏偏要...唉...同佢坐o個陣,我就有一種預感:厄運要再一次咁降臨係我身上.我一定會死得好慘.
只係剩番2個月多d,我都要對住佢,李老師,你係唔係玩野呀?!剩番哩兩個月我都要同佢坐,我梗定會俾佢玩殘,我死梗啦~~~唉..點解?點解最後一次既調位都要咁呀???個天點解要咁對我~~
|
