今日朝早因為唔記背果首和子由澠池懷舊，上到去library，開電腦，之後見到朱，佢夾硬拎咗孫懷寶張嘢，同我好起勁咁響道背書，背完之後，張嘢梗係冇比番佢喇!!之後落去早會，張嘢又俾咗小鉦背，其間朱打咗個乞痴，d液體就痴哂響張嘢度，勁核突!!上到課室，我比番張嘢孫懷寶，朱就話自己佢打咗個乞痴落去...好xd!!

中文堂，tsa...eng堂，又係net，話要introduce yourself，chris話i am a boy，today weather is very good，i like this weather very much...天氣報告也!!!

is堂，做experiment，好鬼正!!hist堂，成班人調位，我同藍，chris及朱，4個坐埋一齊，如果ome咁調位就正lor(同時佢死梗!!)。

lunch，同藍chris加sameul去珊瑚堡食..

va堂，成堂吹水，因為連環圖得一早已經畫完lu...返上課室嘅時候小鉦又響道問iq題，題目係咁嘅:「有一個人，係啞嘅，有一日，佢去文具店買釘，佢做dup釘嘅動作，sales以為佢要鎚仔，但係啞人就指住d釘，於是佢就買咗釘!!有另外一個人，係睇唔到嘢嘅，佢諗住買鉸剪，咁佢可以做d咩哩??」點知小寶好快咁做個鉸剪嘅手勢出黎...笑死人!!佢睇唔到唔代表唔識講嘢，可以用口架!!!

maths堂，廢!!

放學去咗拉記搞埋個變奏曲d手尾... 

又係平淡嘅一日，今日係班主任班導師時間，miss wong一入到黎就係咁問一d好多餘嘅問題，例如今日嘅值日生係邊個呀??，最廢嘅係佢竟然問我地今日邊個參加debate，睇黎佢都唔係幾適合做班導師!!又係miss wong講，佢次次都係講埋哂d好無聊嘅嘢，今次都唔例外，今次個主題係看不見，看得見，響到講廢話，最尾又話同我地嘅信仰有關係...真係語無輪次!!

中文堂，都係咁啦!!maths堂，呢課都幾容易!!

geog堂，又係一貫地冇咩點聽，都係自學吧喇!!eng堂，做tsa reading，唔係好難，做完都仲有十幾分鐘...

lunch，同藍去咗紅蜻蜓點水度食，得第一次食呢間嘢，麻麻地啦!!返到去班，成班人都好似發哂癲，原來有個不速之客-蜜蜂...隻嘢曾經比風扇捲到，但係都死唔去...之後朱濱又肴底喎，唔打死佢喎!你唔搞佢就自然唔會搞你架喇...

ass，有debate睇，題目係「娛樂場所應否全面禁煙」，2b正方，3d反方。梁文軒一出場就已經講錯嘢「...所以今日呢條辯題係絕對成立架!!」各位可以留意佢係反方...3d果d副答問題嘅時候又九唔搭八，最尾竟然以3:0勝出，擺到明making horses!!!

pth堂，朱濱終於打死咗隻嘢...