各位家庭觀眾，又到周中嘅歐冠盃的時候，夜晚爬起身就少不免!!呢幾日除咗溫書又真係冇咩好做，班人去哂春令會，冇人打
波...xd!!搞到好悶...><!!早知就一齊去啦!!不過有早知就冇乞兒，冇得後侮!!講番正題，今晚維拉利爾主場對阿仙奴，維拉利爾極
度祈望可以係佢地嘅艾麥歷高球場上演絕地反擊戰，維拉利爾兩名正選中堅仲未出得，中場泰基拿迪又攞夠牌要停賽，陣容不整，
講真就真係難有作為。阿仙奴方面，除中堅辛德路斯同埋一d長期十字軍無法上陣之外，陣容尚算完整，難得嘅係佢地嘅後防平均
年齡只有22.5歲，實在令到另一支四強隊伍-AC米蘭為之羨慕!!有睇過上次首回合嘅朋友，大家有冇發現阿仙奴係一支偏左嘅球
隊??佢地嘅進攻球員包括亨利，希比，雷耶斯等球員長期企響左面，不過偏偏對手嘅右閘查維雲達速度太慢，就上次之見，查維雲
達冇咗佢果種助攻能力，最主要嘅原因係因為對手左路攻擊太強，首先撇開亨利同雷耶斯等快速球員，查維雲達連對方左閘法米尼
上前助攻嘅速度都不如，試問佢點守得着亨利等人??阿仙奴嘅年輕防線係今屆歐冠盃表現出超強嘅防守力，破咗歐冠盃嘅紀錄，值
得一贊!!我預計阿仙奴能夠晉身決賽，成為利物浦後又一奇績!!
|
