經過多日來嘅假期，感覺十分之良好。啊!!琴晚阿爸睇賽馬直擊喎，佢用電話投注，話唔知買第幾場嘅5號馬，果陣我準備訓覺，因

為要睇波，一訓落床就聽到阿爸猛咁響到講「哎呀!!」，之後我阿妹又響到狂笑喎，咁我又走出去睇下啦!原來阿爸買果隻馬偷步，

被賽會取消資格，果一該真係笑爆我個嘴，不過有得回水，我阿爸就算數，我同佢講「你咁有眼光，買咗隻咁快嘅馬...」夜晚兩點

幾就自動起咗身，呢場果然攻勢不絕，上落明快，我阿爸都有起身睇。今日tsa，我仲諗住唔會抽中我tim，點知又抽中我，六合彩

又唔見我中，反而呢d嘢就次次中，真係好xd!!好彩我都有JC作伴，另外仲有水嫂，我地係做英文個人短講，條題目一早已經做

過，所以冇咩壓力，反而26號就因為37號嘅缺席而要頂上，佢地小組討論咗好耐，小息之後番到黎，26號見到37號歸來就

bear住佢，呢個moment，睇黎26號真係百感交集lor。講番37號，平時不修邊幅嘅佢今日竟然又梳頭又盛，我地都睇到呆咗，

點知陳浩然忽然爆出一句「佢由今朝7點梳頭梳到依家先番黎??」。數學堂，其實我唔係幾鍾意miss wong成日問長問短，真係好

鬼死煩!!今日同藍俊朗去咗大元食，都好平下喎。VA堂，因為我果份集作已經做完嘅關係，所以冇嘢做，朱小明見朱濱走咗去同吳

希彤坐，於是朱就同我一起坐，我地成堂都係吹水，後面阿chris同藍佢地又係吹水，好開心又過咗一堂!!!放學，籃球興趣班，胡

難得有黎，不過睇得出佢久疏戰陣。

我呢幾日都悶到趴響到，今日班friends終於番哂黎啦!!媽啊，好開心呀!!!! 經過幾日了無生氣嘅生活，今日終於有番朝氣啦!!!

呢幾日因為悶搞到冇哂mood做嘢，溫書又溫唔入腦，打機又唔想打，真偽唔知點好!!我發誓下次我一定要去，起碼好過困係家中

呀嗎...聽日就番學啦!!講真我又唔係好期待，話哂成個四月都淨係上得嗰幾日堂，但係一番到學校又要test，仲要係大把test，都

唔知點算好。今朝陪阿爸阿媽去樂富搞d嘢，又響果度行咗陣吉之島，買咗幾件衫，唔知點解呢排好鬼鍾意行街買衫，大家要留

意，我係冇買過褲架...=="!!響7-11見到本XXL嘅籃球雜誌，144頁買30蚊，我屋企樓下果間ok買賣果本jumpshot 60-70頁買

25蚊，jumpshot果本嘢d圖用黎用去都係果幾幅，d字又細，加上冇咩吸引力，封面用英文扮哂pro咁，入面d content就一句起

兩句止，分析又唔多詳盡，好多嘢都只係輕輕帶過，了無深度!!XXL最吸引我嘅係一個另類頒獎，例如有最佳老骨頭獎，另類神射

手獎等，而且書內形容詞用得恰當，例如「千萬廢物集中營」係形容New York Knick。今日朝早睇新聞知道阿仙奴晉級決賽，

0:0打和維拉利爾，總比數1:0晉級，而成場維拉利爾都係狂攻，正到維拉利爾獲得一個十二碼，列基美射門比列文撲出，阿仙奴嘅

不失球紀錄又增加咗!!今晚巴塞隆拿對AC米蘭，我又要校定鐘，起身睇好波。AC米蘭自從上場聯賽對麥西拿嘅比賽有多人傷出，

包括有卡卡，尼斯達，卡富同岩布仙尼，陣容不整，相反巴塞隆拿有迪高，佩奧爾，馬基斯等復出，無論進攻同防守嘅能力再度提

升，迪高或者唔係天才，但係佢給予天才發揮嘅空間，巴塞第一回合領先1:0，仲要係作客入球，今場應該會再先入一球，穩定局

勢。