由於阿媽今日去大埔壚嘅關係，所以去咗火車站食早餐，跟住當然係去教會，雖然我唔係去咗好耐，但係唔知點解好似上咗癮咁，

每個星期都好想去，真係xd!!今日唱個首詩，就黎唱到識背，痴線架!!之後又係因為女仔個邊追唔到我地，點解林sir同佢老婆唔係

合為一體嘅??所以又係睇碟，又係使徒行傳，次次行神蹟都笑到我哋咩咁，特別係個d神嘅使者，佢地一出黎已經殺哂，真係好鬼

正呀!!教會完咗之後，charchau同朱都係返廣福屋企食，佢地又未同我講去邊道打波，所以我惟有去廣福食，之前有人講話林海燕

響個道做(m記)，但係估唔到真係見到佢，charchau仲話佢番屋企，點知又係去咗m記，唔唔 !!!跟住朱遲咗10分鐘先到，超想

x佢!!去到三樂周，又到有一班street gangs係度，惟有去李曉膠主場，打咗陣佢地又踢波，今次胡跌落陷阱，一腳省咗個波出

街，佢惟有爬過欄杆去執，點知上面有d刺(防止攀爬個d)響道，我地始終過唔到去，最後又係周天做胡嘅大恩人啦，佢冇理個d

刺，爬咗過去!!執番個波之後再踢過!!李曉膠始終屈唔到機，太好啦!!跟住有一d人黎做架倆，所以番屋企!!而家咪新出咗支檸檬7

喜嘅，沖完之後飲咗，但係味道就真係唔係幾好，冇檸檬味嘅??都唔知佢地點做嘢架!!

今個星期同打波好有連繫，星期二，三，六及日都打波，真係開心!!今日又係去打波，胡都有黎，真係好啦!!李曉高成日都望個波

碌出街，咁樣佢可以叫我地賠錢，之後去買個新嘅，超狗!!自己俾錢買咪得，又想屈我地錢，我有次真係整咗個波出去，碌到去馬

路道，我點都要執番，係都唔比你屈，哼!!10點幾番到屋企，沖個涼，諗住開電腦做中史評論題，但係唔想做，咁就打陣機先，胡

佢地成日話我用d屈機隊打FIFA 06，我就唔用屈機隊，今次用bryern munich，個正選係:前鋒—馬卡爾，東尼﹔中場(左到右)—

施薩，羅斯基，迪亞拉，雲達華特﹔後衛(左到右)—贊古盧夫斯基，基斯，雲貝?(唔識打，van berdan )，奧度﹔gk，簡恩，係

未幾好呢??之後落街食，見到張嘉敏，跟住上番黎，再做中史評論題，做了一個多小時，之後又打陣機，好滿意!!!跟住食飯。聽日

嘅教會如無意外都係睇碟，依家唔知點解好鬼鍾意番教會，真係不可思義!!

是日金句﹕因沒有上課而暫停!!敬請見諒!!