今日已經期待以久~~調位也!!! 但係唔係第一堂就調...xd。中文堂，低b架，個小組討論有14/20分，最高得15分，成績唔

錯!!!pth堂，廢嘅!!chis堂，好嘢又可以聽王生講書，好似上咗癮咁!!小息之後英文堂，vocab

quiz，我咁勁，又爆分(呵呵!!)!!跟住調位，今次坐最後面，好嘢，坐King位，兩邊係小寶(左邊)；Carman(右邊)，前面有朱嗚

同梁宛兒，側邊仲有朱濱同陳浩然，又有小灝，張玲，chris等，整體有9分(10分為最高)，覺得好開心，上咗一堂悶死人嘅英文之

後就係家政，成日比針插到!!痛死我!!遲咗lunch，同藍俊朗食m記，傾咗好耐，差d番唔到學校!!下午，epa堂，泥太又黎啦，朱

仔係到搞gag，可能想自己唔訓覺，唉哂氣啦!!上完epa堂就成班攤哂係度，場面極其壯觀。又係英文堂，成堂都係度講tsa個本

嘢，遲下又話要抽人去exam!!!之後pth test，聆聽超簡單，根本係送分，之後其他部分都唔算太難，但係佢話7-10課，都唔知

點解有第6課，好彩我記得。成績應該唔會太差。走之前交張家政ws。

琴晚西班牙甲組聯賽上演西班牙打比大賽，巴塞隆拿主場對皇家馬德里，我個人是巴塞fans，今朝起身即睇賽果，皇馬1:1迫和巴

塞，都算唔錯啦，因為下個星期中又要打歐冠，留一留力都不成問題，皆因依家聯賽領先成條街(11分)，和波都冇問題!!今日依舊

去教會，今日係睇影音，係講使徒行傳，超悶呀!!!簡直低能!!去完教會之後，陪JOYMING等人去家政行買布，點知星期日唔開

門，之後朱小明話周天講大元有兩間家政行，於是成棚人就行過去，行行下朱見到一間叫寶寶嘅校服公司(唔知邊個開??)，又見到

興發xx公司，笑爆嘴!!跟住我地因為周天嘅說話就行哂成個大元，但係都搵唔到家政行...xd!!之後，同諸葛亮，joyming同

charchau去咗富善間大家樂食嘢，個間大家樂真係十年如一日，富亨個間大家樂成日都裝修，呢間就殘殘舊舊咁，嗌咗個

spaghetti，味道到唔錯，食食下我地就開始廢蹹，先係朱問我地幾點(佢自己有錶)，講講下charchau就開始話要教人點睇錶(做

大學教授)，又話先要提起手...跟住又話教人用八達通手錶(堂堂都要攞黎俾學費...xd)，之後講到電視買廣告叫人打電話去唔知邊到

玩咩gumdam遊戲(6 seconds要1蚊個d)，咩過三關，我地係度諗打電話都冇Mon，點睇到自己玩咩??傾到2:45先返屋企。返

到去溫多次pth就大功告成!!又過咗一個weekend啦!聽日調位，唔知同咩人坐哩??