今日一日清除哂聽日test果d範圍，其實都一早搞掂架啦，不過見聽日有test咁就用d時間再睇多2眼啦...始終bio呢家野熟d會好d...

假期到今日為止，除咗要打波嘅日子之外，我未試過早過9點鐘起身...乜我真係咁攰咩?!之前又唔係好覺，但係一瞓落床又唔同講法啦...

唔知再過幾日會唔會出街行下呢?個假期去到今日我都淨係去過拜年咁大把...

唔夠一個月就要考mock，好似咩都未準備好咁樣，真係唔知點算好...chem就3溫咗成個syllabus一半，bio就溫哂又做緊pastpaper，amaths&maths&phy&cit都係未開始，得番一個月真係唔知點樣死俾佢睇...><"希望呢個假期可以搞得哂bio同chem啦...但係之後3個星期要溫4科，仲要番學，究竟有冇可能呢?!好迷茫...

11號啦，仲有一個星期就番學啦...

噚晚睇完賭聖先瞓...成2點幾...

今朝7點幾又起身去打波...今日胡都有黎...不過今日好鬼涷，搞到冇咩手感...最尾玩21分果陣d手感先番番黎，於是一口氣嬴咗4包野飲，哈哈!

番到屋企就溫下chem先啦，book 1A宣佈100%完成，book 1B亦都已經50%完成，不過聽日就會溫bio，無計，13號要番學校test...想打佢...

夜晚都係響度上下網，如果我唔用咁多電腦,，可能會好d...