今日唔駛去補習...

朝早8點就起身了...之後就溫下bio啦，發覺ch.21係超多野要溫...勁多野記...溫咗陣就去咗睇NBA，明珠台有直播，馬刺vs火箭...呢排我睇開果d場次都係好低比分...

之後出咗去沙田行街...

買咗件衫，差唔多$400><"""

真係好憎同d女士們行街...佢地可以少少野睇好耐...仲要睇埋d無聊野...真係好煩...

之後響CD warehouse買咗幾套電影睇...

再去埋新開果間tripleo's食hamburger，套餐一個mushroom burger+fries+汽水，$63...個burger好大個架...食完呢間之後真係覺得麥記係好唔掂...呀媽食咗個chicken strips嘅餐，都要成50幾蚊...果度食fries可以加5蚊要個牛肉汁，用黎點fries又係好正!!好好味...依家香港淨番freshness burger未食過...不過我諗都好快會食到架啦，因為荃灣開咗間，到時新年過呀嫲果度可以順便一試...

之後再行下西田就番屋企了...

番到屋企都5點幾啦...

跟住又溫bio...好想死...

星期六了...

朝早都係去打波，今日好多人黎打...搞到好熱鬧，莫東海發生意外，隻中指好似彎咗，唔肯定佢係咪斷骨，如果係嘅詬就要響中指到打石膏，咁樣佢就無時無刻都做緊粗口手勢了...><""唔知hugo佢地點會搵wallace打，雖然話有高度，但係進攻防守都乏善足陳，佢好易就俾人mark到，好易俾人block，但係佢又唔係幾搶到籃板...

打到11點幾番屋企...

沖埋涼抖番陣又要出去啦...

搭74A過九龍灣，又搭到ES4540，上個星期已經搭過一次了...架車22號就退啦，如無意外今次係我最後一次坐佢啦...

去到九龍灣，過去delifrance食野...原來後面新開咗間happylemon，d野飲好似好正咁，下次去要試埋先得!

食完見仲有時間就過番德福行下，有人響度唱大戲...但係唱得好難聽...媽咪呀!!

過番去補習，個課程甩得比教開，所以搞到我好眼瞓...

補完之後得知呀爸今晚唔番屋企食，於是就食自己啦，搭28過去TST，搭到短龍，條友又開得唔快，但係佢cut人地線嘅能力同果d紅小差唔多，真係好正，不過成日cut線搞到好chok...

去到TST食burger king...今次咁多時間就響果度慢慢食啦...

食完行番落去搭車番屋企...等271等咗10mins都有多，繁忙時間黎講都算耐啦...之後黎部歐三扒KN7143，見係胡鴻照揸咁就上了，本來諗住等下架先上，因為呢d時間一定追到...去到廣華後車都追到啦，後車勁空...><""...但係後車去到映月台仲緊跟尾，跟埋入獅隧...一出獅隧條友踩得幾快下...拿拿聲就過咗前面架89同埋281A...去到吐公再爬埋架277X...真係好正...番到大埔後車都冇影了...

留到屋企8點幾...之後睇十大中文金曲，最尾eason唱四大天王+張國榮+校長果d歌，真係好正呀!