(補打)

今日朝早又係照舊打波啦，今次要帶埋朱粒波去俾番佢...

今日早到咗，於是就拎粒波黎射下，我覺得都幾好射，唔會無lala甩手，spalding果然係好野呀!之後d人黎哂就鬥下波啦，莫東海係就係屈高，但係好易俾人draw contact，跟住就foul佢啦...周天似乎回復番狀態...

打到11點先番屋企...

番到屋企搞埋cit project果d手尾，之後叫呀媽出大埔中心果陣順便幫我拎去釘裝埋...

12點幾出去補習...等等下黎咗架ES4540!!真係好耐冇坐E蛇行埔公啦，個司機都幾肯去，部野都真係仲係好勁，上獅隧冇咩點跌速，keep住67,68咁上...放到後面架ATE冇影啦...

九龍灣落車之後去食野，去食delifrance...食完仲有大把時間...於是過去德福果邊行下啦...行行下去到宜家家私，又去買個hotdog食，好飽呀!!!

行番過去英皇...好彩趕得切...

補完走過去等車...冇幾耐黎架FZ6737，見到係黎行義，一睇就知唔駛上啦...咁啱又見到架3AD行74X，於是就上咗74X，繁時架車都可以冇客嘅!!!因為前面有2部74X拖緊卡啦...入大隧果陣架車都係得十幾廿個人...番到大埔追到前面果2架74X，都幾快手...

番到屋企，有得食pizza，好正，食到好飽...

夜晚冇咩做...聽下歌就一日啦... 

又到星期五，今日下晝唔駛返學...

phy，劉宏達拎過黎唱歌，於是又挑起我,NGV,daisy唱歌條癮，跟住就響度唱歌，冇聽書...好似好衰咁，但係我地唱黎唱去到係一d舊歌，peggy話我地80年代><""...

chem，講下plastic，呢個chapter應該朱濱好熟啦，響本書度見到咁多自己朋友嘅相，但係又冇一幅係佢...真係好可惜...

recess，冇落去食野...

cit，faye同simmy2個真係玩野，拎部電話出黎聽都夠膽死，仲要係咁食野...方sir發現咗，但係好彩佢地掩飾得好，先冇俾方sir見到d唔應該見到嘅野，不過我諗方sir應該見到d野食...><"

eng，skip啦...

lunch係放學時間，去屋企樓下間大家樂買飯食，見到朱濱響度食野，佢話下晝出去搭車...

番到屋企冇咩野做...cit又做完...打下機...之後唱歌唱咗好耐...